Yoob 38

4 "Afo akeba mọọ ini ami ñkesịnne itiad idakisọñ ederimbod?

Tañ nnọ miin, adieke adooho unwaña fiin.

5 Anie ikinịm mme adaña amọ? Ke akpanikọ mmenịm ke afo amediọọñọ!

Anie akenyʌñ anyan udʌk udomoñkpọ akanna anye?

6 Ukod ndibene amọ akewʌhọ ke nsoo,

me anie awo akewuuk mme itiad inuuk amọ,

7 ke idaha mme ntantaafiọñ ubakusen ekekwọọhọ uyio keed

ndin afịd mme enyere emaesio ñkpo idaara?

8 "Anie awo ikibet usʌñ ibaaha akpainyañ

ke idaha anye akebịmmeke awuọ ke idịb,

9 ke ini ñkekịmme afọñ nsịn ntọñanyọñ

ñnyʌñ ñwañ anye ke akpọsọñ ekịm,

10 ke idahami ñkewuuhọ mme adaña nnọ anye

ñnyʌñ nsịn mme eto usịnusʌñ ye itịm nnọ anye,

11 ini ami ñkebooho nte, ‘Se itie ami ke afo anie aditre ndin inaaha abọhọ itie ami;

itie ami ke ntañidem mbufịd mfo adiitre’?