1 Kọrint 15

3 Koro se ami ñkọbọde ke ami ñkayak nnọ mbufo, emi edide ata akpan ñkpọ: nte ke Kraist akakpa ke ntak mme idiọkñkpọ ñnyin nte Ñwed Abasi ekewetde, 4 Nte ke ema ebuk Enye, ndien ke ọyọhọ usen ita ema emenede Enye ke ñkpa efiak esin ke uwem, kpa nte ekewetde ke Ñwed Abasi; 5 Enye ama ọwọrọ owut Pita idem, ndien onyuñ ọwọrọ owut kpukpru mme mbet Esie duopeba idem ñko. 6 Ke emi ama ekebe, Enye ama onyuñ ọwọrọ owut idem ke otu mme owo emi ekekande ikie ition emi ekedide mme nditọ ete, emi ekese mmọ esuk edude uwem, okposuk edi emi ubak mmọ ema ekede.