Uchokholha 1

20 Tho Nlhuku nkeera, "Maashi achareke makosho o cho wuupiya chikumi, ni ashinuni achareke wiirimu." 21 Paahi Nlhuku nkoupa ashinama olhupalhe chinene o ubaharini onkhaye, ni kila nikosho ninokhalha mmaashini ni kila nikosho no ashinuni. Nlhuku nkoona wiira vahorera. 22 Nlhuku nkaavahacha ibarakha ashinama onkhaye o mmaashini eeraka, "Mwayaraanacheke, mwonchererieke, mwachare mbaharini, ni ashinuni oncheriacheke velhaponi." 23 Nkaweelha, nkawaasha, nenno naari nihuku no nethanu.

24 Tho Nlhuku nkeera, "Ilhapo ichare kila nikosho no cho wuupiya chikumi cho kila nikosho, ashinama o uhuwiya, ashimweettu o wiipurulha ni ashinama o mwiithuphini o kila nikosho." Nkayeeria chiicho.