17 Bhahe, Yetulo ngannobholila Mucha, "Mwe majhoghana bhando. 18 Mwenga mikitoto jhajhe, lihengo lyene linonoho mihoto jhe kuhenga kanjika. 19 Ngohe unyokanakiye chinongela, na Chapanga atangatila, mwenga nnyendelela kulonge na Chapanga na kunnobholela Chapanga malola ghabhe. 20 Mabhola mihilo na malaghalikilo gha Chapanga na kwalangi chibhipalwa kutama na kuhenga. 21 Kabhele nhaghula bhando bhubhabhii na uhotolo panakate jhabhe, bhando bhubhinyinami Chapanga na bhibhahobholeka na bhubhikana chwinda, bheniya ndi bhipalwa kulongocha malongo gha bhando maelufo na makunde gha bhando makome kome na makunde gha bhando makome nhwano na likunde lya bhando likome limo. 22 Bheniya, ndi nabhatemula malagho gha bhando kila lichiko. Ghighalimba nabhannetela mwenga, nambo majhojhoho nabhatemula bhene. Kukutenda naha, lihengo lino nalibha lijhojhoho kwa kwakutangatila nabho. 23 Anda ndehi naha, ngita Chapanga chaalaghii pena mwe nantokelela jhe na bhando bhoha nabhahotola kubhujha ukajhabhe njelembo."
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)