Latarü le lánina kupali
1 —Adüga humá giñe aban latarü lauti fulansu le akasia lun lágudahoun kupali luagu. 6 Híchigeime latarü tigibugiñe belu to tigibugiñeboun bágüsi lánina daradu, le ñeinba lubéi nadunragua buma. 7 Sagü binaafin, lidan oura le laransehóuniwa burí lanpu, ábame lágudahan Aarón kupali hémeti luagu latarü le, 8 águdaha ligíame giñe rábounweyu, oura lun lebedúniwa lanpu. Ladügǘba le liñúarü Bungiu súnwandan, gumugua dan. 10 Deregewañu luba latarü le sunsuinagubei lun Bungiu, aban wéiyaasu lidan irumu, ladagaragüdüba Aarón hitaü le lánina adagaragüdüni luagu liganchun latarü lun ferudunawa lan figóu. Sagü irumu, aban wéiyaasu luagu irumu, ladagarawagüdüba adagaragüdüni luagu latarü le, lun libihíniwa ferudun luagu figóu.