Salmos 3

Yawe Abikisaka

1 Nzembo ya Davidi. Ayembaki yango tango azalaki kokima Abisalomi, mwana na ye.

2 Oh Yawe, banguna na ngai bazali motango boni !

Banguna boni oyo bazali kobundisa ngai !

3 Ebele bazali koloba na tina na ngai :

« Nzambe akobikisa ye te ! »

4 Nzokande Yo, Yawe, ozali nguba mpe nkembo na ngai,

Yo nde omatisaka lokumu na ngai.

5 Nabelelaka Yawe,

mpe ayanolaka ngai wuta na ngomba na Ye ya bule.

6 Nalalaka mpe nazwaka pongi ;

nalamukaka lisusu,

pamba te Yawe azali makasi na ngai.