1 Apa cine e ne'eshein aza a na aa yuwan ipiri yu una̱ntsu,

diga nan Kora a̱yi ɗa: Meshelemiya ulobo wa Kore, za ta̱ diga o olobo a Asaf.

2 Olobo a̱ Meshelemiya ele ɗa:

Zakariya ulobo wu ufaru, Jediyayel za va̱ ire, Zebadiya za va ta'atsu, Jatniyel za va̱ na̱shi, 3 na̱ Elam za va tawun na̱ Jehohana za va̱ ta̱li na̱ Eliyehonai za va̱ cindere.

4 Olobo o Obed Edom ele ɗa:

Shemaya ulobo wu ufaru na̱ Jehozaba za ve ire na̱ Yowa za va ta'atsu na̱ Saka za va̱ na̱shi na̱ Nataniya za va tawun,* 5 na̱ Amiyel za va̱ ta̱li na̱ Isaka za va̱ cindere na̱ Peleti za va̱ kunla̱. Adama na A̱sula̱ a zuwaa ta̱ Obed Edom aba'un.

6 Shemaya ulobo wu ufaru wa̱ Obed Edom matsan ta̱ olobo aza a na a̱ da̱na̱i azagbain a 'wa le adama a na a gura ta̱ uvon lon.

7 Olobo a Shemaya ele ɗa: Otini na̱ Refaya na̱ Obed na̱ Elizaba. Mmaci ma̱ yi n ɗa Elihu na̱ Semakiya ele fo ali a ɗa a na a gurai uvon lon.

8 Suru aza a nda limatan va̱ Obed Edom ɗa, e le na̱ muwun n le na̱ mmaci n le kupota̱li ne ejere suru suru waru a̱ da̱na̱ ta̱ nu ucira u na aa yuwan ulinga'a.

9 Meshelemiya da̱na̱ ta̱ no olobo kupa na̱ kunla̱ na̱ mmaci n na a gurai uvon lon.

10 Hosa za va Merari da̱na̱ ta̱ no olobo: Shimri ɗa za vu ufaru, ko na wo o'woi a̱yi ɗa za na a fara a matsain shi, suru na̱ ne, dada va yi ka̱mba̱to yi ta̱ za vu ufaru. 11 Za ve ire a̱yi ɗa Hilikiya za va ta'atsu a̱yi ɗa Tabaliya za va̱ na̱shi a̱yi ɗa Zakariya. Olobo a Hosa na̱ mmaci ma̱ yi ele ɗa kupa na̱ aza a ta'atsu suru suru.

12 A̱vu e ne'eshen le a̱za̱ e ipiri yu una̱ntsu oɓolo oɓolo, o una̱ wa azagbain a 'wa le, aza a na a yuwan a̱ga̱nda̱ o u'wa wa̱ A̱sulazuva, cine e ne'eshein akapi a mmaci n le a̱za̱ a̱ Levi. 13 A̱vu a yuwan matawa ma agita adama o una̱ntsu o una̱ wu nkaya n le, za ke'en na̱ zagbain. 14 Agita o una̱ntsu wa asana a̱ riya̱ ta̱ ya̱ Shelemiya. Reve waru a vari agita adama a Zakariya ulobo wa̱ yi za na a casu a̱sa̱la̱ a sa'ani, a̱vu agita o una̱ntsu wu ugana a̱ riya̱ ya̱'a̱ yi. 15 Agita o na̱ntsu wu uyagi u riya̱ ta̱ ya̱ Obed Edom, a̱vu a zuwa olobo a̱ yi e idana asula e zuwa suru. 16 Agita o una̱ntsu wa̱ a̱livu o Una̱ntsu wa̱ Shaleke vu ure u na u ka̱ra̱i a agawan a̱ riya̱ ta̱ e ekere a Shufim na̱ Hosa. Avu e ne'eshen ipiri'i o una̱ u mantsa ma na a zuwai itoni itoni. 17 A̱tsuma̱ o urana biti a̱ da̱na̱ ta̱ na̱ nan Levi a̱ ta̱li aza a na a yuwusan ipiri yu una̱ntsu wa asana, a̱za̱ a̱ na̱shi o upasu wu ugana, a̱za̱ a̱ na̱shi waru o upasu wu uyagi, a̱vu a zuwa ama e re re upasu wa asula e izuwa. 18 Masula ma na ma̱ ri a̱ tyo a̱livu, a̱ da̱na̱ ta̱ na̱ a̱za̱ e ipiri a̱ na̱shi o ure, ama e re waru a masula'a. 19 Ele nda ele ɗa oɓolo a̱ a̱za̱ e ipiri vu na̱ntsu diga a̱tsuma̱ o umatsun wa̱ a̱za̱ a̱ Kora na̱ Merari.

20 A̱tsuma̱ a akapi a nan Levi fo, Ahiya ka̱lyuwusa̱ ta̱ uba̱ta̱ e izuwa a̱tsuma̱ o u'wa wa̱ A̱sula̱, oɓolo na̱ uba̱ta̱ wi izuwa yi itana ya Akiza i na a tawai. 21 Diga o umatsun wa Ladan wu ugundo wa Gashon, Jehiyel ɗa da̱na̱i zagbain. 22 Olobo a Jehiyel ele ɗa: Zetam na̱ Juwe. Ele ɗa a aza a na e idanasa asula e izuwa a̱ A̱a̱'isamapaɗa a̱ A̱sulazuva.

23 A̱vu waru a ca ugundo wa Amuram na̱ Izaha na̱ Heburon na̱ a̱za̱ a̱ Uziye ulinga u na a yuwan.

24 Diga a̱tsuma̱ o ugundo wa Gashon ulobo wa̱ Musa a̱ da̱na̱ ta̱ na̱ Shebuwe. A̱yi ɗa zagbain na e idanasa asula e izuwa. 25 Mmaci ma̱ yi e ekere Eliyaza ele ɗa: Rehabiya na̱ Jeshaya na̱ Joram na̱ Zikiri na̱ Shelomi. 26 Shelomi na̱ mmaci ma̱ yi ele ɗa aza a na a̱a̱ ka̱lyuwusa̱ asula e izuwa suru e ili i na Mogono Da̱wuda tawayi A̱sula̱, na azagbain a 'wa na azagbain a nan yali o ukpakukupa kupa, na̱ nan yali o kpaku kpaku, na akapi a nan yali ya̱ a̱soja. 27 Diga a̱tsuma̱ e ili i na a̱ pura̱i uba̱ta̱ wu uvon, a̱vu a tawa le adama o ulapulu wa̱ A̱a̱'isamapaɗa a̱ A̱sulazuva. 28 Suru waru ili i na Sama'ila za yindi na̱ Shawulu ulobo wa̱ Kish na̱ Abna ulobo wa̱ Ner na̱ Yowab za na mma va̱ yi ɗa Zeruya a tawai, a zuwa le ta̱ e ekere a Shelomi na̱ mmaci ma̱ yi.

29 Diga o ugundo wa Izaha, a tawa ta̱ Kenaniya no o olobo a̱ yi adama a na a yuwan tsugbain tsa a ama na̱ a̱za̱ o uge'etosu wa aza a Isra'ila.

30 Diga o ugundo wa Heburon, a tawa ta̱ Hashabiya na̱ mmaci ma̱ yi, ama ukpakukupa na̱ kupocindere (1,700) aza a na a gurai ulinga lon a aza a na a zuwai zagbain e iɗa ya̱ a̱livu wu upasu wu Uɗolu wa̱ Urudu. Ele ɗa aza a na e idanasa suru aɗa A̱sulazuva nu ulinga u mogono o upasu u ndolo. 31 Diga a̱tsuma̱ o ugundo wa̱ Heburon, Yeriya ɗa zagbain le cine ucuɗuwu wu umatsun u le u ri. A̱tsuma̱ a a'wan amunga o tsugono tsa̱ Da̱wuda, e idana ta̱ alabari, reve acina ama o ugundo wa̱ Heburon diga Jaza a̱tsuma̱ e iɗa ya Giliyadu aza a na a gurai ulinga lon. 32 Yeriya da̱na̱ ta̱ na̱ mmaci aza a na a gurai ulinga lon, ama ukpakukupa kupa ure nu ukpaku kupocindere (2,700), aza a na a̱ ri azagbain vu 'wa le. A̱vu Da̱wuda Mogono lyungu le a̱ 'ya̱wa̱ upasu wa asana o Uɗolu wa̱ Urudu, reve u zuwa azagbai'in azagbain vu ugundo wa̱ Roben na̱ Gadu nu uɓatsulai wu ugundo wa Manase. Ele ɗa aza a na a̱ da̱na̱ e idanasa aɗa a̱ A̱sula̱ suru na̱ za mogono.