1 E kece ta̱ aza a Isra'ila suru o ugeru wu nkaya n le uɗanu a̱tsuma̱ a aatagada o ngono ma Isra'ila.

A̱ pura̱ ta̱ ama a Yahuda a̱ tyo Babila adama o ulambu wa̱ a̱ɓula̱ e le e ekere a̱ A̱sulazuva. 2 Ama a na a fara da̱nuwisa̱i e iɗa i le a̱tsuma̱ e ilyuci i le ele ɗa aza a Isra'ila o ro, na̱ nan ganu na̱ nan Levi na aagbashi a̱ A̱a̱'isamapaɗa.✝

3 A̱ da̱na̱ ta̱ na ama o ro diga o ugundo wa Yahuda na̱ diga Banyami na̱ diga Ifiramu na̱ Manase aza a na a̱ da̱nuyi a̱tsuma̱ a̱ Urishelima. Ele ɗa:

4 Utai ulobo wa Amihud ulobo wa Omri ulobo wa Imri ulobo wa Bani umatsun wa Pere ulobo wa Yahuda.

5 Na aza a Shilo ele ɗa:

Asaya mawun mo ufaru oɓolo na̱ olobo a̱ yi.

6 Olobo Zera ele ɗa:

Yewuye oɓolo ni mmaci ya̱ yi, a̱bunda̱ e le a ɗa ama ukpaku uta̱li na̱ kupa kuci (690).

7 Olobo a Banyami ele ɗa:

Salu ulobo wa Meshulam ulobo wa Hodaviya ulobo wa Hasenuwa

8 na̱ Ibneya ulobo wa Yeroham. Ela ulobo wa̱ Uzi ulobo wa Mikri na̱ Meshulam ulobo wa Shefatiya ulobo wa Reyuwe ulobo wa Ibniya.

9 Na ama diga Banyami, e kece le ta̱ na̱ n nkaya n le ukpakukupa kuci na̱ kupoton na̱ a̱za̱ ta̱li (956). Suru ama nda azagbain vu 'wa vu nkaya n le ɗa.

10 A̱tsuma̱ a nan ganu a̱ da̱na̱ ta̱ na̱,

Yedaya na̱ Yehoyari na̱ Yakin

11 na̱ Azariya ulobo wa Hilikiya ulobo wa Meshulam ulobo wa Zadok ulobo wa Merayo ulobo wa Ahitu za na da̱na̱ zagbain a̱tsuma̱ a̱za̱ a̱ga̱nda̱ o u'wa wa̱ A̱sula̱.

12 Oɓolo na̱ Adaya ulobo wa Yeroham ulobo wa Pashu ulobo wa Malkiya

na̱ Ma'asai ulobo wa Adiyel ulobo wa Yazera ulobo wa Meshulam ulobo wa Meshilemi ulobo wa Ima.

13 Nan ganu a na a̱ da̱na̱i azagbain a 'wa vu nkaya n le a̱bunda̱ e le a ɗa a̱ shi ama ukpakukupa nu ukpaku ucindere na̱ kupota̱li (1,760). Ama a ɗa a na a̱ shi a gurai ulinga wa̱ a̱ga̱nda̱ a̱tsuma̱ o u'wa wa̱ A̱sula̱.

14 Nan Levi a na a̱ ka̱mba̱i ele ɗa: Shemaya ulobo wa Hashub ulobo wa Azirikam ulobo wa Hashabiya vuma va Merari. 15 Oɓolo na̱ Bakbaka na̱ Heresh na̱ Gala na̱ Mataniya ulobo wa Mika ulobo wa Zikiri ulobo wa Asaf 16 na̱ Obadiya ulobo wa Shemaya ulobo wa Gala ulobo wa Yedutun oɓolo na̱ Berekiya ulobo wa Asaf ulobo wa Elikana aza a na a̱ shi da̱nuyi a̱ mulyuci ma aza a Netofa.

17 A̱za̱ e ipiri yu una̱ntsu ele ɗa:

Shalum na̱ Akub na̱ Talmon na̱ Ahima oɓolo na̱ a̱za̱ e le, Shalum ɗa shi zagbain le. 18 Ele ɗa aza a na e isawusain o Una̱ntsu u Mogono na asana, hali a̱ tyo ana'an. Waru ele ɗa a̱ shi a̱za̱ e ipiri yu una̱ntsu wu uva̱la̱ta̱ u nan Levi. 19 Shalum ulobo wa Kore ulobo wa Ebiyasa ulobo wa Kora oɓolo na̱ a̱za̱ a̱ yi a̱za̱ e ipiri yu una̱ntsu diga a̱tsuma̱ a̱za̱ a̱ Kora, ele ɗa a̱ shi a̱za̱ e ipiri yu una̱ntsu yu u'uwata wo oogodo, cine nkaya n le n yuwusain ipiri yu u'uwata wu nda̱na̱ta̱ ma̱ A̱sulazuva. 20 Ɗe nu ufaru Finiha ulobo wa Eliyaza a̱ yi ɗa u shi zagbain va̱ a̱za̱ e ipiri yu una̱ntsu, waru A̱sulazuva gba a̱ shi ta̱ oɓolo na̱ a̱yi. 21 Zakariya ulobo wa Meshelemiya a̱yi ɗa u shi za vi ipiri yu una̱ntsu wu u'uwata a̱ tyo o Oogodo o Uga'asusan.

22 Suru suru, aza a na a ɗangulai a̱ da̱na̱ a yuwusan ipiri yu na̱ntsu, ele ɗa a̱ shi ama ukpaku ure na̱ kupa ne ejere (212). A ɗana le ta̱ o ugeru wu nkaya u mulyuci n le. Da̱wuda na̱ Sama'ila za yindi ɗa zuwa nle ulinga u le u na a zuwaa nle ucira. 23 Ele na̱ limatan le ɗa a̱ da̱na̱i a̱za̱ e ipiri yu una̱ntsu wu u'wa wa̱ A̱sulazuva za na a̱yi ɗa oogodo. 24 A̱za̱ e ipiri a tsu isawan ta̱ pasu na̱shi va asana na̱ a̱livu nu ugana nu upasu wu uyagi. 25 A̱za̱ e le a na a̱ shi a̱ mulyuci a̱ tsu ta̱wusa̱ ta̱ mantsa mantsa a yuwan ulinga wi ipiri u le ayin e cindere, reve ozo o ro a kita'wan le. 26 Amma azagbain a̱ na̱shi e ipiri yu una̱ntsu aza a na nan Levi a ɗa, ele ɗa a̱ shi a zuwayi ucira wu ulinga wa asula ni izuwa a̱tsuma̱ o u'wa wa̱ A̱sula̱. 27 A̱ shi ta̱ a tsa asa mishin uka̱nda̱ruwu nu u'wa wa̱ A̱sula̱ adama a na ele ɗa a̱ ri e piri. Waru ele ɗa a̱ shi na̱ kpa̱tu'utsu vu ukpa̱tu'usa̱ wa̱ yi usana biti.

28 A̱tsuma̱ e le ozo o ro a̱ shi ta̱ e idanasa itana yu ulinga a̱tsuma̱ a̱ A̱a̱'isamapaɗa. A̱ tsu kece le ta̱ na̱ a̱ ta̱wa̱ ne ele pe, na̱ mantsa ma na waru o uta̱a̱ nle. 29 Ozo ro waru a zuwa le ta̱ e idanasa itana ni itana yu ulinga ya̱ a̱a̱'isa̱ suru oɓolo na̱ yira na̱ masayan na̱ mani'in ni ili i ma̱guru i furenkisen ni itana yu ucita. 30 Amma akapi a nan ganu ele ɗa a̱ tsu ja̱mba̱ra̱ itana yu ucita. 31 Vuma ta̱ a̱tsuma̱ a nan Levi za na a̱ tsu ɗe Matitiya mawun mo ufaru mo ulobo ma Shalum vuma va̱ a̱ɓula̱ va Kora a̱yi ɗa a cayi ulinga wu uzusun wo opopofu a̱ kucci. 32 Ozo o ro le a̱tsuma̱ a̱ a̱za̱ e le a̱za̱ a̱ Koha ele ɗa a̱ shi nu ulinga wi ifoɓi yo opopofu i na a tsu zuwa a apada Ashibi biti.

33 Aza a na a̱ shi azagbain a ashipi a limatan nan Levi a̱ shi ta̱ a̱ tsi isawan a̱tsuma̱ a asula a̱ A̱a̱'isamapaɗa, agba a̱ shi a tsu ca le ulinga u ro shi adama a na a̱ shi ta̱ a̱ tsu da̱na̱ o ulinga urana na ayin.

34 Ele nda suru ele ɗa a̱ shi azagbain a limatan nan Levi, azagbain cine e gere n le diga a nkaya n le, waru a̱ shi ta̱ na̱ nden Urishelima.

35 Yeyiyel dada va Gibiyon u da̱nu ta̱ Gibiyon.

Ma'aka ɗa aala a ka va̱ yi. 36 Mawun mo ufaru ma̱ yi mo ulobo a̱yi ɗa Abadon, reve Zur kuru na̱ Kish na̱ Ba'al na̱ Ner na̱ Nadab 37 na̱ Gedo na̱ Ahiyo na̱ Zakariya na̱ Mikalo. 38 Mikalo ɗa matsain Shimeya. Ele fo a̱ shi ta̱ a̱ da̱nu zuzu na̱ a̱za̱ e le a̱tsuma̱ a̱ Urishelima.

39 Ner ɗa matsain Kish, reve Kish matsan Shawulu. A̱vu Shawulu matsan Jonata na̱ Malkishuwa na̱ Abinada na̱ Eshba'al.*

40 Ulobo wa Jonata ɗa:

Meriba'al,* za na matsain Mika.

41 Olobo a Mika ele ɗa:

Piton na̱ Mele na̱ Tareya na̱ Aha.

42 Aha ɗa matsain Yada, reve Yada matsan ta̱ Aleme na̱ Azimawe na̱ Zimri. Reve Zimri matsan Moza. 43 Moza ɗa matsain Bineya reve Bineya matsan Refaya, reve Refaya matsan Eleyasa, a̱vu Eleyasa matsan Aze.

44 Aze ta̱ no olobo a̱ ta̱li, apa nda ala e le:

Azirikam na̱ Bokeru na̱ Isma'ila na̱ Sheyariya na̱ Obadiya na̱ Hanan. Suru nle olobo a Aze ɗa.