1 Ugundo wa Yahuda ele ɗa:

Pere na̱ Hezeron na̱ Karmi na̱ Huru na̱ Shoba.

2 Reyaya ulobo wa Shoba a̱yi ɗa u matsain Yaha, a̱vu Yaha matsan Ahuma na̱ Laha. Ele ɗa ugundo wa Zora.

3 Ele nda ele ɗa olobo a Etam:

Yezireyel na̱ Ishma na̱ Idba.

Mawun ma a̱na̱wun mo usheli ma̱ le a̱yi ɗa Hazelefoni.

4 Penuwe ɗa matsain Gedo

na̱ Eze waru za na matsain Husha.

Ele nda ele ɗa ugundo wa Huru, ulobo wu ufaru wa Efarata za na matsain Batalami.

5 Ashu dada va Tekowa u da̱na̱ ta̱ na̱ a̱ma̱ci e re, ala ele ɗa: Hela na̱ Na'ara.

6 Na'ara ɗa matsaan niyi Ahuzam na̱ Hefe na̱ Temeni na̱ Ha'ashatari. Ele nda ele ɗa olobo a Na'ara.

7 Olobo a Hela ele ɗa:

Zere na̱ Zoha na̱ Izha na̱ Etna 8 na̱ Koz. Koz ɗa matsain Anub na̱ Zobeba nu ugundo wa Ahahel ulobo wa Harum.

9 A casu ta̱ Jabe tsugbain tsa na tsa la'ai a̱za̱ a̱ yi. Mma va̱ yi ɗe yi ta̱ na̱ ala Jabe,* adansa <<M matsan yi ta̱ na̱ a̱tsuma̱lima̱ lon.>> 10 Jabe showen ta̱ A̱sula̱ a Isra'ila a dansa, <<Zuwaa mu aba'un a̱vu vu da̱shi pasu vi iɗa i va̱ a̱bunda̱! Lyawa ukere wa̱ wu u da̱na̱ aaci a̱ va̱, vu kasa mu ni iwuya i na ya̱ ta̱wa̱ adama n da̱na̱ babu a̱tsuma̱lima̱.>> Reve A̱sula̱ a̱ usu i pati ya̱ yi.

11 Kelub mawun ma̱ a̱na̱wun ma Shuha ma ɗa ma matsain Mehi, waru Mehi ɗa matsain Eshto. 12 Eshto ɗa matsain Bet Rafa na̱ Paseya na̱ Tehina waru Tehina ɗa matsain Ir Nahas. Ele nda ɗa ama a Reka.

13 Olobo a Kena ele ɗa:

Otiniye na̱ Seraya.

Olobo a Otiniye ele ɗa:

Hata na̱ Meyonota. 14 Meyonota ɗa matsain Ofura.

Seraya ɗa matsain Yowab, dada va Ge Harashi. E ɗe ta̱ aala o uba̱ta̱'a̱ ne adama a na ama'a a zo o ulinga wa̱ e ekere ɗa.

15 Olobo a Keleb ulobo wa Jefune ele ɗa:

Iru na̱ Ela na̱ Na'am.

Ulobo wa Ela a̱yi ɗa Kena.

16 Olobo a Yehalele ele ɗa:

Zif na̱ Zifa na̱ Tiriya na̱ Asare.

17 Olobo a Ezura ele ɗa:

Yeta na̱ Mere na̱ Efe na̱ Yalon. Mere zuwa ta̱ Bitiya usheli wa mogono Firi'awuna va Masar, waru u matsaan yi ta̱ Maryamu na̱ Shamai na̱ Ishaba. Ishaba ɗa dada va Eshitemo. 18 Mere zuwisa ta̱ ka diga Yahuda. Waru u matsaan yi ta̱ Yere dada va Gedo na̱ Hebe dada va Soko na̱ Yekutiyel dada va Zanowa.

19 Olobo a ka va Hodiya, mawun ma a̱na̱wun mo usheli ma Naha ele ɗa:

Dada va aza a Kayila za va Garim na̱ Eshitemo za va Ma'aka.

20 Olobo a Shimon ele ɗa:

Amnon na̱ Rina na̱ Ben Hanan na̱ Tilon.

Ugundo wa Ishi ele ɗa:

Zohe na̱ Ben Zohe.

21 Olobo a Shela ulobo wa Yahuda ele ɗa:

Er dada va Leka na̱ La'ada dada va Maresha nu ugundo wa̱ ozo o ulinga wa okoro a̱ lyuci va Bet Ashibeya, 22 na̱ Yokim na̱ ama a Kozeba na̱ Yowash na̱ Sara, aza a na yuwain tsugono tsa̱ Mowa na̱ Yabushi Lehem. Alabari a nda a̱ tsura̱ yi ta̱ diga uba̱ta̱ a nkaya. 23 Ele a̱za̱ o uma'an a ɗa, a na a̱ da̱na̱i nden Netalim na̱ Gedera, a̱ da̱nu ta̱ ɗe a yuwusaan mogono ulinga.

24 Ugundo wa Saminu ele ɗa:

Nemuwe na̱ Yamin na̱ Yari na̱ Zera na̱ Shawulu.

25 Shawul ɗa matsain Shalum. A̱vu Shalum matsan Mibisam. A̱vu fo Mibisam matsan Mishima.

26 Limatan va Mishima ele ɗa:

Hamuwe na̱ Zaku ulobo wa̱ yi na̱ Shimai ulobo wa Zaku.

27 Shimai da̱na̱ ta̱ na̱ olobo kupa na̱ a̱za̱ a̱ ta̱li, na̱ muwun me esheli n ta̱li. Agba muwun ma̱ a̱na̱wun ma̱ yi a̱ ri na̱ muwun a̱bunda̱ tsa yi shi, waru ugundo u le u yuwan a̱bunda̱ tsa ama a Yahuda shi. 28 A̱vu a̱ da̱nu e iɗa ya Biyasheba na̱ Molada na̱ Haza Shuwa* 29 na̱ Biliha na̱ Ezem na̱ Tola 30 na̱ Betuwe na̱ Homa na̱ Ziklag 31 na̱ Bet Makabo na̱ Haza susi na̱ Bet Biri na̱ waru Sha'arayim. Ilyuci i le i ɗa i da̱na̱i hali a cina mantsa ma tsugono tsa Da̱wuda. 32 Waru mulyuci n na n da̱na̱i uka̱nda̱ruwu na̱ le ele ɗa: Etam na̱ Ayin na̱ Rimon na̱ Token na̱ Ashan, ele ɗa mulyuci n ton suru suru. 33 A̱ da̱na̱ ta̱ waru na̱ mulyuci n ro n na i da̱na̱i uka̱nda̱ruwu le hali a̱ tyo a̱ lyuci va Ba'al. Uba̱ta̱ wu nden le n ɗa. Agba a zuwa ta̱ ucuɗuwu wi iɗana vu gundo le.

34 Ugundo suru u da̱na̱ ta̱ na̱ zagbain, waru ele ɗa: Meshoba na̱ Yamle na̱ Yosha ulobo wa Amaziya 35 na̱ Juwe na̱ Yehu ulobo wa Yoshibiya na̱ ulobo wa Seraya na̱ ulobo wa Asiyel 36 waru na̱ Eliyonai na̱ Ya'akoba na̱ Yeshohaya na̱ Asaya na̱ Adiyel na̱ Yesimiyel na̱ Benaya 37 na̱ Ziza ulobo wa Shifi na̱ ulobo wa Alon na̱ ulobo wa Jedeya na̱ ulobo wa Shimri na̱ ulobo wa Shemaya.

38 Suru ama a nda a na a ɗanai ala e le, azagbain o gundo le ɗa. Limatan le da̱shishi ta̱ a̱bunda̱ lon. 39 A̱vu a yuwan agara hali a̱ tyo zuzu na̱ lyuci va Gedo, za na ri asana o uka̱ri na a zamishi uba̱ta̱ wa aguɓa adama e iliyamunga i le. 40 Ɗe ɗa a̱ tsura̱i uba̱ta̱ wa aguɓa o ulobonu, iɗa i sa'ani, waru iɗa'a u da̱na̱ ta̱ mgbain, uba̱ta̱ u ɗa kpen, na̱ nden ma a lafiya. Ɗe nu ufaru uba̱ta̱ wu nden wa aza a Ham ɗa.

41 Ama a na a ɗanai ala e le, ele ɗa a̱ da̱na̱i a mantsa mo tsugono tsa Hezekiya Mogono ma̱ Yahuda. A̱vu o kototo ogodo e le a̱vu aza a Manuti a na a̱ da̱na̱i pe, a̱vu fo a tawa le adama o ukototosu hali a cina cine u ri ana'an,* a̱vu a̱ da̱nu pe a̱tsuma̱ e iɗa'a, adama a na u ri nu uba̱ta̱ wa aguɓa adama e iliyamunga i le. 42 Ozo o ro a̱tsuma̱ e le, ama ukpakuton (500) a na a̱ ri diga o ugundo wa Saminu, a̱vu a̱ ka̱ra̱ a̱ tyo agaɗi a Seyi adama a yuwan uvon. Aza a na o rono n le aɗanga ele ɗa: olobo a̱ Ishi, Pelatiya na̱ Neyariya na̱ Refaya na̱ Uzi. 43 A̱vu o una akapi Amaleka aza a na a̱ shi a la'ai, reve a̱ da̱nu pe hali acina a na'an.