1 Apa nda a̱bunda̱ aza a Isra'ila, azagbain a matsun na̱ nan yali ya̱ a̱soja o ukpakukupa kupa na̱ nan yali o ukpaku ukpaku, na azagbain e le, a aza a na a yuwayin mogono ulinga e ili i na i burai une'esun wa̱ a̱soja woto woto a̱tsuma̱ a'wan ma̱ɓula̱ oɓolo suru u ta̱ na ama ukpakukupa ushin nu ukpakukupa una̱shi (24,000).

2 O woto wu ufaru Yashobeyam ulobo wa Zabdiyel a̱yi ɗa u da̱na̱i zagbain vo oɓolo a ama ukpakukupa ushin nu ukpakukupa una̱shi (24,000). 3 A̱yi diga o umatsun wa̱ Pere u ɗa, waru a̱yi ɗa u da̱na̱i zagbain vo oɓolo a̱ a̱soja e ipiri o woto wu ufaru.

4 Dodai vuma va Ahohi ɗa da̱na̱i zagbain vo oɓolo e ire, o woto wa̱ ire a̱tsuma̱ a aa'wan, Mikalo ɗa da̱na̱i yali ya̱ a̱soja yo oɓolo ama ukpakukupa ushin nu ukpakukupa una̱shi (24,000).

5 Benaya ulobo wa̱ Yehoyida ganu ɗa da̱na̱i yali vo oɓolo a ta'atsu ama ukpakukupa ushin nu ukpakukupa una̱shi (24,000). Aza a na a̱ da̱na̱i o ulinga o woto wa ta'atsu. 6 Benaya vuma vu ukadu ɗa a̱tsuma̱ a ama mata'atsu waru zagbain va ama mata'atsu. Ulobo wa̱ yi Amizaba ɗa zagbain vo oɓolo'o.

7 Asahe mawun ma̱ a̱na̱wun ma̱ Yowab ɗa da̱na̱i yali ya̱ a̱soja oɓolo ama ukpakukupa ushin nu ukpakukupa una̱shi (24,000), aza a na a̱ da̱na̱i o ulinga o woto wa̱ na̱shi. Reve Zebadiya ulobo wa Asahel o o'wo zagbain o una̱ wa̱ yi.

8 Shamhu vuma va Izirahiya ɗa da̱na̱i yali ya̱ a̱soja oɓolo ama ukpakukupa ushin nu ukpakukupa una̱shi (24,000), aza a na a̱ da̱na̱i o ulinga o woto wa tawun.

9 Ira ulobo wa Ikesh vuma va Tekowa ɗa da̱na̱i yali ya̱ a̱soja oɓolo ama ukpakukupa ushin na̱ a̱za̱ a̱ na̱shi (24,000), aza a na a̱ da̱na̱i o ulinga o woto wa̱ ta̱li.

10 Helez vu ugundo wa Ifiramu vuma va̱ Pelon ɗa da̱na̱i yali ya̱ a̱soja oɓolo ama ukpakukupa ushin nu ukpakukupa una̱shi (24,000), aza a na a̱ da̱na̱i o ulinga o woto we cindere.

11 Sibekai vu ugundo wa Zera vuma va Husha ɗa da̱na̱i yali ya̱ a̱soja oɓolo ama ukpakukupa ushin nu ukpakukupa una̱shi (24,000), aza a na a̱ da̱na̱i o ulinga o woto wa̱ kunla̱.

12 Abiyeza vu ugundo wa Anato vuma va Banyami ɗa da̱na̱i yali ya̱ a̱soja oɓolo ama ukpakukupa ushin nu ukpakukupa una̱shi (24,000), aza a na a̱ da̱na̱i o ulinga o woto wa̱ kuci.

13 Maharai vu ugundo wa Zera vuma va Netofa ɗa da̱na̱i yali ya̱ a̱soja oɓolo ama ukpakukupa ushin nu ukpakukupa una̱shi (24,000), aza a na a̱ da̱na̱i o ulinga o woto wa kupa. 14 Benaya vuma va̱ Piraton diga a̱tsuma̱ a Ifiramu ɗa da̱na̱i yali ya̱ a̱soja oɓolo ama ukpakukupa ushin nu ukpakukupa una̱shi (24,000), aza a na a̱ da̱na̱i o ulinga o woto wa kupa na̱ za ta̱.

15 Helda vu ugundo wa̱ Otiniye vuma va Netofa ɗa da̱na̱i yali ya̱ a̱soja oɓolo ama ukpakukupa ushin nu ukpakukupa una̱shi (24,000), aza a na a̱ da̱na̱i o ulinga o woto wa kupa ne ejere.

16 Apa gundo va aza a Isra'ila na a azagbain ele:

Zagbain vu ugundo wa̱ Roben a̱yi ɗa Eliyaza ulobo wa Zikiri.

Zagbain vu ugundo wa Saminu a̱yi ɗa Shefatiya ulobo wa Ma'aka.

17 Zagbain vu ugundo wa̱ Levi a̱yi ɗa Hashabiya ulobo wa Kemuwe.

Zagbain vu ugundo wa Haruna a̱yi ɗa Saduku.

18 Zagbain vu ugundo wa Yahuda a̱yi ɗa Elihu mawun ma̱ a̱na̱wun ma̱ Da̱wuda.

Zagbain vu ugundo wa Isaka a̱yi ɗa Omri ulobo wa Mika'ilu.

19 Zagbain vu ugundo wa Zebulun a̱yi ɗa Ishmaya ulobo wa Obadiya.

Zagbain vu ugundo wa Nafutali a̱yi ɗa Yerimo ulobo wa Aziriyel.

20 Zagbain vu ugundo wa Ifiramu a̱yi ɗa Hosiya ulobo wa Azaziya.

Zagbain vu uɓatsulai wu ugundo wa Manase a̱yi ɗa Juwe ulobo wa Fedaya.

21 Zagbain vu uɓatsulai wu ugundo wa Manase ɗe Giliyadu, a̱yi ɗa Ido ulobo wa Zakariya.

Zagbain vu ugundo wa Banyami a̱yi ɗa Jasiyel ulobo wa Abna.

22 Zagbain vu ugundo wa Dan a̱yi ɗa Azare ulobo wa Yeroham.

Ele nda ele ɗa azagbain o gundo va aza a Isra'ila.

23 A mantsa ma na Da̱wuda kecei ama, u kece aza a na a̱ ka̱la̱ma̱i a'wan ushin shi, adama a na A̱sulazuva a yuwan ta̱ nzuwulai u ta zuwa ama a Isra'ila a na a yuwan a̱bunda̱ tsa̱ italyo'o ya zuva.* 24 Yowab za na mma va̱ yi ɗa Zeruya ɗa farai mekece ma ama agba u koto shi. Adama a na upan wa̱ A̱sulazuva a̱ da̱na̱i aciya a aza a Isra'ila. A̱bunda̱ e mekece'e a̱ da̱na̱ a̱tsuma̱ a aatagada o tsugono tsa̱ Mogono Da̱wuda shi.*

25 Azimawe ulobo wa Adiyel a̱yi ɗa za vu uka̱lyuwusa̱ wa asula e izuwa yi itana i mogono.

Jonata ulobo wa Uziya a̱yi ɗa za na tsu uka̱lyuwusa̱ asula e izuwa yi itana i mogono aza a na a̱ ri e lyuci i na i ri e nge'en, na̱ ɗe e ilyuci ni ilyuci i keke'en na̱ waru saa vu ugaɗi aza a na a suwai adama a̱za̱ e ipiri.

26 Eziri ulobo wa Kelub a̱yi ɗa za vu uka̱lyuwusa̱ wa̱ a̱za̱ o ulinga wu uɗuma̱ u mogono.

27 Shimai vuma va Rama a̱yi ɗa za vu uka̱lyuwusa̱ wa̱ a̱ɗuma̱ a̱ inabi.

Zabdi vuma va Shefam a̱yi ɗa za vu uka̱lyuwusa̱ wu uba̱ta̱ u na a zuwusa mini ma̱ inabi.

28 Ba'al Hanan vuma va Geda a̱yi ɗa za vu uka̱lyuwusa̱ vu ɗanga zetun na̱ ɗanga vu ubiri e iɗa i mugaɗi vu upasu wa̱ a̱livu.

Yowash ɗa za na tsu ka̱lyuwusa̱ uba̱ta̱ u na a tsu zuwusa mani'in ma̱ zetun.

29 Shitirayi vuma va Sharon a̱yi ɗa u tsu ka̱lyuwusa̱ oɓolo e inan a na i ri ɗe Sharon.

Shafa ulobo wa Adilayi a̱yi ɗa za na tsu ka̱lyuwusa̱ oɓolo e inan i na i ri ya̱a̱ a̱tsuma̱ a̱ ka̱ri.

30 Obi va Isma'ila a̱yi ɗa za na tsu ka̱lyuwusa̱ arakumi.

Jedeyiya vuma va Merono a̱yi ɗa za na tsu ka̱lyuwusa̱ nloli.

31 Yazi vuma va Hagara a̱yi ɗa za na tsu ka̱lyuwusa̱ mgbele.

Suru nle nda ele ɗa azagbain o uka̱lyuwusa̱ wi itana ya̱ Mogono Da̱wuda.

32 Jonata dada ke'en va̱ Da̱wuda, a̱yi ɗa za vu casu wa̱ a̱sa̱la̱, a̱yi za vu ugbozu ɗa waru za vi iɗana. Jeyiyel ulobo wa Hakimoni ɗa za na o ritosu olobo o mogono.

33 Ahitofe ɗa za na tsu casu ukobu u mogono a̱sa̱la̱. Hushai vuma va Arki a̱yi ɗa i'utsa̱ i mogono. 34 A̱vu Yehoyida ulobo wa̱ Benaya na̱ Abiyata o o'wo o una̱ u tsugbain tsa̱ Ahitofe.

Yowab ɗa da̱na̱i yali ya̱ a̱soja o mogono.