1 Samuel 2

12 एलीए रे दोनो पाऊ तो नीच थे, ओर सेयो यहोवे री इज्जत नि करो थे। 13 पुरोईत शीलो जगा दे आऊणे वाल़े लोका साथे एड़ा करो थे कि जेबे कोई माणूं मेलबलि चढ़ाओ था, तेबे पुरोईता रा सेवक मास पकाणे रे बखते एक त्रिशूली कांडा आथो दे ल्याई की 14 तिजी खे मास पकाणे वाल़ी कड़ाई, आँडी, आँडे या तसले रे पीतरे पाओ था ओर जितणा मास कांडे दे लगी जाओ था तिथणा पुरोईत आपू लई लो था। सेयो शीलो दे सारे इस्राएली लोका साथे एड़ा ई करो थे, जो तेती बलिदान चढ़ाणे आओ थे। 15 चर्बी फूकणे ते पईले बी पुरोईतो रा सेवक आई की मेलबलि चढ़ाणे वाल़े खे बोलो था, "पुरोईतो खे पूजणे खे मास दे, तेस तांते पक्केया रा नि, काच्चा मास लणा।" 16 पर जेबे कोई तेसखे ज्वाब देयो था, "चर्बी पईले फूकणे दे, तेबे जितणा तेरा जियू बोलो तिथणा लई लया।" तेबे से सेवक बोलो था, "ना, यबु दे, नयी तो मां जबरदस्ती छुड़ाई लणी।*2:16 एलीए रे पाऊ यहोवे रे खलाफ काम करो थे लेवी. 1:8-9, 3:3-5, 7:22-27, गिण. 18:8-20 " 17 इजी री खातर होप्नी ओर पीनहासो रा पाप यहोवे री नजरा दे बऊत जादा ऊईगा, कऊँकि सेयो माणूं यहोवे री पेंटा री बेज्जती करो थे।