1 A Isɩral nɩbɛ dɔ̃ɔn jɛb tʋ̃ɔ de a paal kpɩɛrɛ be a Jɔɔdan mɔ̃tɔ̃ɔ purfʋ jie, yi a Arnↄn baa pↄ tɩ tan be a Jɔɔdan baa pↄ, tɩ tan be a Hɛmↄn tɔ̃ↄ sa-par dɩr jie. Ba jɛb tʋ̃ɔ nãmine ayi.

2 A ba ɩ̃sʋɔ lɛ a Sihↄn na ɩ a Amɔrɩ nɩbɛ nãa na kaara a Hɛsɩbↄn. A Giliyadɩ lõboor ɩ̃sʋɔ pʋɔ naa a wʋ nãalʋ̃ʋ pɔ, an yi a Aroya (a Arnↄn baa kõkoor) nɩ a tẽe 'lↄ na be a baa sãlsↄↄ tɩ tan be a Jabɔkɩ man pↄ, a be na ɩ a Amↄn tↄraa, 3 tɩ pʋↄn a Jɔɔdan baa, yin be a Galalii põn na be a sa-par gʋba jie tɩ tan be Bɛfʋ Jɛsɩmɔfʋ (mandal kũu mɔ̃tɔ̃ɔ purfʋ jie) nɩ a Pɩsɩga tɔ̃ↄ sɩɛ par.

4 Ba mɩ lɛ jɛb tʋ̃ɔ Ɔgi na ɩ a Basan nãa, 'lↄ lɛ dɔ̃ɔ ɩ a Wurɛfayim nã-baaraa, na dɔ̃ɔ kaara a Asiterɔfʋ nɩ a Edɩryɛl. 5 A wʋ nãalʋ̃ʋ den a Hɛmↄn tɔ̃ɔ ju Salɩka nɩ a Basan wʋ jaa tɩ tan a Gɛsʋr nɩ a Maaka tↄraa, tɩ pʋↄn a Giliyadɩ lõboor ɩ̃sʋɔ tɩ tan a nãa Sihↄn na be a Hɛsɩbↄn wɛr pↄ.

6 A nãmine ayi banyã lɛ a Mosesɩ nɩ a Isɩral nɩbɛ lɛ jɛb tʋ̃ɔ. Mosesɩ na ɩ a Nãaŋmɩn tʋ̃tʋ̃nɔ den a paalsɩ kʋ Wuruben nɩ a Gaadɩ bʋrↄ nɩ a Manaasɩ bʋrↄ ŋmãa ka wʋ na ɩ a ba sofʋ.

7 Josʋwa nɩ a Isɩral nɩbɛ jɛb tʋ̃ɔ a nãmine ba jaa a wɛr 'lↄ pↄ, a Jɔɔdan mɔ̃tɔ̃ɔ mʋrfʋ jie, yi a Baalgadɩ na be a Lɛbanↄn baa pↄ tɩ tan a Halakɩ tɔ̃ɔ ju na be a sa-par gʋba jie na gbʋr a Ɛdↄm. A Josʋwa põn a wɛr nyã kʋ a bʋrsɩ ka a na ɩ a ba sofʋ jaa kpo kpo. 8 A jiir ala lɛ a anyãna, a tẽn ala na be a tɔ̃n ju, a tɔ̃bil na be a mɔ̃tɔ̃ɔ mʋrfʋ jie, a Jɔɔdan baa pɔ nɩ a wʋ tɔ̃bil, a jiir ala na ɩ nɛʋ a be a mɔ̃tɔ̃ɔ purfʋ jie nɩ a wɛr kõo 'lɔ na be a sa-par gʋba jie. A wɛr nyã pↄ lɛ a Heeti nɩbɛ nɩ a Amɔrɩ nɩbɛ nɩ a Keena nɩbɛ nɩ a Perisi nɩbɛ nɩ a Hivi nɩbɛ nɩ a Jebusɩ nɩbɛ kpɩɛrɛ. 9 A Isɩral nɩbɛ jɛb tʋ̃ↄ a tẽn anyãna nãmine, Jɛrɩko nɩ a Ayi ('lɔ na gbʋr a Bɛtɩl.) 10 Jɛrusalɛm nɩ a Hɛbʋrↄn nɩ a 11 Jarmʋfʋ nɩ a Lachisɩ nɩ a 12 Ɛgilↄn nɩ a Gɛsɛ nɩ a 13 Dɛbir nɩ a Jɛda nɩ a 14 Hↄrma nɩ a Aradɩ nɩ a 15 Libina nɩ a Adʋlam nɩ a 16 Makɩda nɩ a Bɛtɩl nɩ a 17 Tapʋya nɩ a Hɛfa nɩ a 18 Afɛkɩ nɩ a Lasarↄn nɩ a 19 Madↄn nɩ a Hasɔr nɩ a 20 Sɩmɩrↄn Mɛrↄn nɩ a Akɩsafʋ nɩ a 21 Tanakɩ nɩ a Mɛgɩdo nɩ a 22 Kɛdɛsɩ nɩ a Jokɩnɩyam (Be a Kamɛl), 23 Dↄr (Be na gbʋr a man nɛɛ) nɩ a Goyɩm (Na be a Galalii) 24 nɩ a Tɩrsa, ba jaa 'lɔ̃ɔn taa ɩ nãmine lɩjɛr nɩ pie nɩ bõ'yen.