Josʋwa 15

A Wɛr 'Lɔ Ban De Kʋ a Juda Bʋrɔ

1 A Juda bʋrɔ nɩ a ba yie deme nyɛ̃n a wɛr lõboor ɩ̃sʋɔ, a lɛ an tu taa. A wɛr yin be a sa-par gʋba jie tɩ ta a Sɩn dãlpʋɔ sãlsↄↄ, tɩ nyↄↄn a Ɛdↄm tↄr-bɔɔ.

2 A sa-par gʋba jie tↄr-bɔɔ chen tɩ ta be a man nyaar sa-par gʋba jie lõboor, 3 den a sa-par gʋba jie tɩ yin a Akɩrabim Paasɩ tɩ tan be a Sɩn. Wʋ yin be a Kadɛsɩ Banɩyan sa-par gʋba lõboor, tɩ vɩɛ a Hɛsɩrↄn bar tɩ don be Adar, lɩɛb chiini be Karka, 4 lɛ chen tɩ ta Asɩmↄn tɩ tuul a pon na be a Ijipitɩ tↄr-bɔɔ pɔ tɩ tan be a Mɛditɛrɛniya man pↄ, be lɛ ɩ a Juda sa-par gʋba tↄr-bɔɔ.

5 A mɔ̃tɔ̃ɔ purfʋ jie tↄr-bɔɔ lɛ a man nyaar, yin a be tɩ tan a jie 'lↄ a Jɔɔdan kʋ̃ↄ na joro tɩ kpɩɛrɛ a man nyaar pɔ. 6 A sa-par dɩr jie tↄr-bɔɔ mɩ piel a be, don tɩ ta be Bɛfʋ Hogɩla lɩɛb chen be na lɩɛb kaara Jɔɔdan baa sa-par dɩr jie. Be lɛ wʋ lɛ yi tɩ do be a Bohan kʋsɩr ju (A Bohan dɔ̃ɔn ɩ Wuruben bidaba) 7 yin be a Dɔɔrfʋ Baa pↄ do tɩ ta a Dɛbir, tɩ pãa lɛ lɩɛb sa-par dɩr jie chiini be a Gilgal, be na tor a Adʋmɩm Paasɩ baa a sa-par gʋba jie. Wʋ pãa yin be a Ɛsɛmɛsɩ bul-yirsɩ tɩ ta be a Ɛnɩrↄgɩ, 8 na wʋ do tɩ yi a Hɩnↄm baa tɔr-bɔɔ na be a sa-par gʋba jie be a tɔ̃ↄ ju, a jie 'lↄ a Jebusɩ nɩbɛ tẽe na dɔ̃ɔ be a Jɛrusalɛm paal pↄ. A tↄr-bɔɔ lɛ yin be tɩ do a tɔ̃ↄ ju na be a mɔ̃tɔ̃ɔ mʋrfʋ jie na ɩ a Hɩnↄm baa lõboor mɩ na ɩ a wurɛfayim baa tɛɛfʋ jie a sa-par dɩr jie. 9 Wʋ lɛ yin a be na wʋ chen be a Nɛfɩtoya bul-yirsɩ pↄ pãa tɩ ta a tẽbɛrɛ ala na gbʋr a Ɛfʋrↄn tɔ̃ↄ. Wʋ pãa lɛ lɩɛb tor a Baala tẽe ('lↄ ban bʋɔlɔ Kɩrɩyafʋ Jɩrɩm), 10 be lɛ wʋ lɩɛb gʋↄr a Baala tẽe a mɔ̃tɔ̃ɔ mʋrfʋ jie, tɩ pãa lɩɛb tor a tẽe 'lↄ a tɔ̃ↄ ju na be a Ɛdↄn, tɩ lɛ lɩɛb chen a Jɩrɩm tɔ̃ↄ sa-par dɩr jie lõboor ('lↄ ban bʋɔlɔ Chɛlsalↄn) pãa suu tɩ ta Bɛfʋ Sɛmɛsɩ tɩ chen tɩ vɩɛ a Tɩmɩna bar. 11 A tↄr-bɔɔ yin a be tɩ ta a Ɛkʋrↄn tɔ̃ↄ sa-par dɩr jie lõboor, tɩ lɩɛb tor a Sɛkʋrↄn, wʋ lɛ tɩ vɩɛn a Baala tɔ̃ↄ bar tɩ ta Jamɩnɩya. A Mɛditɛrɛniya man lɛ ɩ a ba tↄr-bɔɔ, 12 na ɩ a mɔ̃tɔ̃ɔ mʋrfʋ jie tↄr-bɔɔ. A tɔr-bɔɔr anyã pɔ lɛ a Juda yie deme kpɩɛrɛ.

Kaleb Jɛb Tʋ̃ɔ A Hɛbʋrↄn Nɩ A Dɛbir

13 Nɩtãa lɛ a Nãaŋmɩn na kpãkpãan a Josʋwa, ba den a Juda wɛr lõboor ɩ̃sʋɔ kʋ a Kaleb na ɩ a Jɛfʋnɛ bidaba na yi a Juda bʋrɔ pↄ. Wʋ de naa a Hɛbʋrↄn tẽe na ɩ a Anakɩ sãa Arba sofʋ. 14 Kaleb diin a Anakɩ par ka ba yi a tẽkpɛ̃ɛ pↄ, nɩ a Sesaɩ nɩ a Ahɩmanɩ nɩ a Talmayi dɔ̃dɔɩ. 15 Wʋ yin a be chen tɩ jɛb a nɩbɛ bala na kpɩɛrɛ be a Dɛbir (a tẽkpɛ̃ɛ nyã lɛ ba dɔ̃ɔ bʋɔlɔ Kɩrɩyafʋ Sɛfa.) 16 Ka a Kaleb 'yɛr ɩka, <<N na den a n bipↄↄ Akɩsa kʋ a daba 'lↄ jaa na wa tʋ̃ↄ jɛb tʋ̃ↄ Kɩrɩyafʋ Sɛfa.>> 17 Ofʋnɩɛl, 'lↄ na ɩ a Kaleb yɛbɛ bidaba jɛb tʋ̃ↄ a tẽe, ka a lɛ vɛ̃ ka a Kaleb de a wʋ bipↄↄ Akɩsa kʋ wʋ ka wʋ ɩ a wʋ pↄↄ.

18 A kultaa bibir lɛ a Ofʋnɩɛl 'yɛr kʋ a wʋ pɔɔ Akɩsa ɩka, a wʋ sʋↄr wɛr yin a wʋ sãa sɛ̃, wʋn wa suu a bʋ̃ɔ ju ka a Kaleb sʋʋr wʋ a bon 'lɔ wʋn bʋɔrɔ.

19 Ka wʋ 'yɛr sɔɔ wʋ ɩka, <<N bʋↄrↄ naa jie 'lɔ kʋ̃ↄ na be. A jie 'lↄ fʋn kʋ ma ɩ naa jikõo.>> Ka a Kaleb de a lõboor ɩ̃sʋɔ na tara bul-yirsɩ ala kʋ wʋ.

A Juda Tẽbɛrɛ

20 A wɛr nyã lɛ a Juda bʋrɔ nɩbɛ yie deme nyɛ̃ ka wʋ ɩ a ba sofʋ.

21 A tẽbɛrɛ ala na gã chen a be a ba Sa-par gʋba jie lɛ ɩ a ba sofʋ, tɩchɛ ka a ala mɩ na gbʋr a Ɛdↄm tↄr-bɔɔ mɩ ɩ Kabɩsɛɛl nɩ Ɛda nɩ Jagʋr nɩ

22 Kɩna nɩ Dimora nɩ Adada nɩ 23 Kɛdɛsɩ nɩ Hasɔr nɩ Ɛtɩnan nɩ 24 Sɩfʋ nɩ Tɛlɛm nɩ Bɛlↄfʋ, nɩ 25 Hasɔr Hadata nɩ Kɛrↄfʋ Hɛsɩrↄn (bɩɩ Hasɔr) nɩ 26 Amam nɩ Sɛma nɩ Molada nɩ 27 Hasa Gada nɩ Hɛsɩmↄn nɩ Bɛfʋpɛlɛfʋ nɩ 28 Hasa Sʋwal nɩ Bɛsɩba nɩ Bɩsɩyotɩya nɩ 29 Baala nɩ Iim nɩ Ɛsɛm nɩ 30 Ɛltoladɩ nɩ Chɛlsɩl nɩ Hɔrma nɩ 31 Sɩkɩlagɩ nɩ Madɩmana nɩ Sansana nɩ 32 Lɛbafʋ nɩ Sɩlɩm nɩ Ayin nɩ Wurimↄn. A tẽbɛrɛ a jaa na 'mãtaa ɩ naa lɩjɛr nɩ pie for bir nɩ a tẽbil ala a jaa na jil ba.

33 A tẽbɛrɛ ala na be a tɔ̃n sɩɛ par lɛ a anyãna. Ɛsɩtayↄl nɩ Sora nɩ Asɩna nɩ

34 Sanowa nɩ Ɛnganɩm nɩ Tapʋya nɩ Ɛnam nɩ 35 Jarmʋfʋ nɩ Adʋlam nɩ Soko nɩ Asɩka nɩ 36 Saarayim nɩ Aditayim nɩ Gɛdɩra nɩ Gɛdɩrotayim, tẽbɛrɛ pie nɩ anaar nɩ a tẽbil ala na jil ba.

37 Tẽn anyã mɩ pʋɔ naa, Sɛnan nɩ Hadasa nɩ Mɩldalgadɩ nɩ 38 Dɩlɩyan nɩ Mɩsɩpa nɩ Jokɩtɛɛl nɩ 39 Lachisɩ nɩ Bosɩkatɩ nɩ Ɛgilↄn nɩ 40 Kabↄn nɩ Lamam nɩ Chɩtɩlɩsɩ nɩ 41 Gɛdɩrↄfʋ nɩ Bɛtɩdagↄn nɩ Naama nɩ Makɛda, tẽbɛrɛ pie nɩ ayʋↄb nɩ a tẽbil ala na jil ba.

42 A tẽn anyã mɩ pʋɔ naa, Libina nɩ Ɛta nɩ Asan nɩ 43 Ɩfɩta nɩ Asɩna nɩ Nɛsɩb nɩ 44 Keela nɩ Akɩsɩb nɩ Marɩsa, tẽbɛrɛ pie for bir nɩ a tẽbil ala na jil ba.

45 Ɛkʋrↄn tẽe mɩ ben be tara a tẽbɛrɛ nɩ a tẽbil, 46 nɩ a tẽbɛrɛ nɩ a tẽbil ala na gbʋr a Asɩdↄdɩ, yi be a Ɛkʋrↄn tɩ tan be a Mɛditɛrɛniya mandal pↄ. 47 Asɩdↄdɩ nɩ Gasa tẽe nɩ a ba tẽbɛrɛ nɩ a tẽbil dɔ̃ɔ be be tɩ ta a pon na be a Ijipitɩ tↄr-bɔɔ pɔ na gbʋr a Mɛditɛrɛniya mandal nɛɛ.

48 A tẽn ala a tɔ̃n ju lɛ a anyãna, Samir nɩ Jatɩr nɩ Soko nɩ 49 Dana nɩ Kɩrɩyafʋ Sɛfa (bɩɩ Dɛbir) nɩ 50 Anabi nɩ Ɛsɩtɛmo nɩ Anim nɩ 51 Gɔɔsɛn nɩ Holon nɩ Gilo, a tẽbɛrɛ pie nɩ bõ’yen nɩ a tẽbil ala na jil ba.

52 A tẽn anyãna mɩ dɔ̃ɔn be be, Arabi nɩ Duma nɩ Ɛsan nɩ 53 Janim nɩ Bɛfʋ Tapʋya nɩ Afɛkɩ nɩ 54 Humta nɩ Hɛbʋrↄn nɩ Sɩyↄ, tẽbɛrɛ pie for bir nɩ a tẽbil ala na jil ba.

55 A tẽn anyã mɩ pʋɔ naa, Mayↄn nɩ Kamɛl nɩ Sɩfʋ nɩ Juta nɩ 56 Jɛsɩrɛɛl nɩ Jokɩdim nɩ Sanowa nɩ 57 Keen nɩ Gibɩya nɩ Tɩmɩna, tẽbɛrɛ pie nɩ a tẽbil ala na jil ba.

58 A tẽbɛrɛ anyã mɩ pʋɔ naa, Halhuul nɩ Bɛtɩsↄ nɩ Gɛdↄr nɩ 59 Maarafʋ nɩ Bɛfʋ-Anↄfʋ nɩ Ɛltɛkↄn, tẽbɛrɛ ayʋↄb nɩ a tẽbil ala na jil ba.

60 A tẽn anyã mɩ pʋɔ naa, Kɩrɩyafʋ Baal (Ban bʋɔlɔ Kɩrɩyafʋ Jirim) nɩ Wuraba, tẽbɛrɛ ayi nɩ a tẽbil ala na jil ba.

61 A tẽn ala a dãlpʋɔ ju lɛ a anyãna, Bɛfʋ Araba nɩ Midin nɩ Sɛkaka nɩ

62 Nɩbɩsan, a Nyaar tẽe nɩ Ɛnjidi, a tẽbɛrɛ ayʋↄb nɩ a tẽbil ala na jil ba.

63 Tɩchɛ a Juda nɩbɛ ba tʋ̃ɔ dii a Jebusɩ nɩbɛ bala na be a Jɛrusalɛm bar ɛ. Ka a Jebusɩ nɩbɛ lɔ̃ↄ kpɩɛrɛ nɩ a Juda nɩbɛ.