1 A sɔ̃ɔ 'lɔ a nɩbɛ ba jaa na wa gɔ̃ɔ a Jɔɔdan man baar, a Nãaŋmɩn 'yɛr kʋ a Josʋwa ɩka, 2 <<'Yir dɔɔr pie nɩ ayi yin a Isɩral bʋrɔ pɔ, ka a daba jaa ma yi a bʋrɔ ɩ̃sʋɔ jaa pɔ, 3 na fʋ vɛ̃ ka ba wob kʋsɩbɛ pie nɩ ayi yin a jie 'lɔ a Nãaŋmɩn bↄↄrlorobo na dɔ̃ɔ ara a Jɔɔdan man sãlsↄↄ. 'Yɛr kʋ ba ɩka ba chiin a kʋsɩbɛ anyãna tɩ bin a jie 'lɔ ban na tɩ gã a dɩna.>>

4 Be lɛ ka Josʋwa pãa bʋɔl a nɩbɛ pie nɩ ayi bala wʋn 'yir 5 na wʋ 'yɛr kʋ ba ɩka, <<Yɩ kpɛ a Jɔɔdan man pɔ chen a yɩ Ŋmɩn 'lɔ na ɩ a Nãaŋmɩn nɛbõ’yen daka niem, a yɩ ɩ̃sʋɔ jaa wʋ 'mↄↄ kʋsɩr dↄↄl a wʋ bↄↄ ju, ka a yɩ ɩ̃sʋɔ jaa ara kʋ a Isɩral bʋrɔ. 6 A kʋsɩbɛ anyãna na ɩ naa yel tɩɛraa kʋ a Isɩral nɩbɛ a bon 'lↄ a Nãaŋmɩn na maal. Ala ɩ a yɩ bibiir wa sʋʋr yɩn daar kɔ̃ɔ, a bon 'lɔ 'yɔ̃ɔ yɩn chɔɔr a kʋsɩbɛ anyãna bin, 7 yɩ 'yɛr kʋ ba ɩka, a sɔ̃ↄ 'lↄ a Isɩral nɩbɛ na gɔ̃ɔnɔ a Jɔɔdan man nɩ a Nãaŋmɩn nɛbõ’yen daka, wʋ var ɩ tẽ kõo ka ba gɔ̃ɔ. A kʋsɩbɛ anyãna na ma ɩ naa yel tɩɛraa sɔ̃ɔ jaa kʋ a Isɩral nɩbɛ a bon 'lↄ na ɩ a Jɔɔdan man pɔ.>>

8 A dↄↄr tun a Josʋwa nɛɛ nɩtãa lɛ a Nãaŋmɩn na kpãkpãan a Josʋwa, ba wob a kʋsɩbɛ pie nɩ ayi yin a be a Jɔɔdan man sãlsↄↄ, ka bõ’yen jaa ara kʋ a Isɩral bʋrɔ. Ba chiin yaa naa be a ba jaa-jie tɩ bin. 9 Josʋwa mɩ chɔɔr a kʋsɩbɛ pie nɩ ayi bin be a Jɔɔdan man sãlsↄↄ, be a Nãaŋmɩn bↄↄrlorobo na dɔ̃ɔ tuo a nɛbõ’yen daka ara nɩ. (A kʋsɩbɛ ala chɛnɛ na be be wa tɩ tan a dɩna.)

10 A Nãaŋmɩn bↄↄrlorobo ara na be a Jɔɔdan man sãlsↄↄ tɩ tan a sↄↄ 'lↄ a anyã a jaa na wa tɩ ɩ baar, nɩtãa lɛ a Nãaŋmɩn na 'yɛr kʋ a Josʋwa ɩka wʋ 'yɛr kʋ a nɩbɛ ɩka ba ɩ. Lɛ lɛ a Mosesɩ dɔ̃ɔ kpãkpãan ba.

A nɩbɛ pↄↄn gɔ̃ɔ a Jɔɔdan man gɔ̃ɔn. 11 A sɔ̃ↄ 'lↄ a ba jaa na wa be a Jɔɔdan man gɔ̃ɔn, A Nãaŋmɩn bↄↄrlorobo na tuo a Nãaŋmɩn nɛbõ’yen daka den a nɩbɛ nie. 12 A dↄↄr bala na ɩ a Wuruben nɩ a Gaadɩ bʋrɔ nɩ a Manaasɩ bʋrɔ bamine na chↄↄr gu a jɛɛr den a nɩbɛ nie nɩtãa lɛ a Mosesɩ na 'yɛr kʋ ba ɩka ba ɩ. 13 Be a Nãaŋmɩn niem, jɛjɛɛrbɛ nɩ na ta turo lɩjaayi na chↄↄr na jɛb lɛ gɔ̃ɔ a ji-chãa 'lↄ na gbʋr a Jɛrɩko.

14 A daar 'lɔnɔ Nãaŋmɩn maal Josʋwa ka wʋ ɩ nidier a Isɩral nɩbɛ ba jaa niem. Ba 'yɔ̃ɔnɔ wʋ naa tɩ tan a sɔ̃ɔ 'lɔ wʋn kpi, nɩtãa a lɛ ban dɔ̃ɔ 'yɔ̃ɔnɔ a Mosesɩ.

15 Be lɛ ka a Nãaŋmɩn pãa 'yɛr kʋ a Josʋwa ɩka, 16 <<'Yɛr kʋ a Nãaŋmɩn bↄↄrlorobo bala na tuo a nɛbõ’yen daka ɩka, ba wa yi a Jɔɔdan man pↄ.>>

17 Be lɛ ka Josʋwa 'yɛr kʋ a Nãaŋmɩn bɔɔrlorobo ɩka, <<Yɩ wa yi a Jɔɔdan man pɔ.>>

18 A sɔ̃ɔ 'lɔ a Nãaŋmɩn bↄↄrlorobo na wa do a man gogoro ju, a kʋ̃ↄ lɛ piel joro na wʋ paal.

19 A nɩbɛ gɔ̃ɔn a Jɔɔdan man a ŋmɛr dɔ̃ɔ ber pie daar, na ba tɩ jɛ̃ a Gilgal na ɩ a Jɛrɩko mɔ̃tɔ̃ɔ purfʋ jie. 20 Be lɛ ka Josʋwa de a kʋsɩbɛ pie nɩ ayi ala ban yin a Jɔɔdan man pↄ na wʋ ba. 21 Wʋ 'yɛr kʋ a Isɩral nɩbɛ ɩka, <<Ala ɩ a yɩ bibiir wa sʋʋr yɩn daar kɔ̃ɔ, a bon 'lɔ 'yɔ̃ɔ yɩn chɔɔr a kʋsɩbɛ anyãna bin, 22 yɩ 'yɛr kʋ ba ɩka, a sɔ̃ↄ 'lↄ a Isɩral nɩbɛ na gɔ̃ɔnɔ a Jɔɔdan man, wʋ var ɩ tẽ kõo ka ba gɔ̃ɔ. 23 Yɩ 'yɛr kʋ ba ɩka a yɩ Ŋmɩn 'lɔ na ɩ a Nãaŋmɩn vɛ̃n ka a Jɔɔdan man var ko tɩ tan a sɔ̃ↄ 'lↄ yɩn wa tɩ gɔ̃ɔ, nɩtãa a lɛ wʋn dɔ̃ɔ vɛ̃ ka a mandal jɩɛ 'lↄ var ɩ tẽ kõo kʋ sɩ. 24 A nɩtɔ̃ jũu, nɩrɛ jaa na be a wɛr pↄ na bɔ̃ɔ naa a Nãaŋmɩn kpɛ̃ↄ, be lɛ yɩn 'yɔ̃ↄnↄ a yɩ Ŋmɩn 'lɔ na ɩ a Nãaŋmɩn chiini sɔ̃ɔ nɩ sɔ̃ɔ jaa.>>