24 Vachulila va Yohani pevahegile, Yesu avangile kuvalongela wula lipinga lya vanu makani ga Yohani Mbatisa, "Pemuhele kudasi mkahele kulola liki? Wuli mwikali mwilolela lidete lwelihogoswa na lukala? 25 Mukahelele kulola liki? Mukahele kulola munu yeafwalile myenda minofu? Vanu vevifwala myenda minofu na kwikala maisa manofu vikala mukaye lya vang’achale. 26 Suwe mnilongele, mkahele kulola liki? Mkahele kumlola mvichi? Ndakyene, yemuwene ndi kugina mvichi va Nguluvi. 27 Yohani nde yeilongwa Mumasimbo ga Nguluvi,
‘Nguluvi akalongie ndikumlagicha mchulila vangu akulongole,
daikuvikila unofu ng’asi lyako.’" 28 Yesu akamalile kwakulonga, "Ndikuvalongela, mugati mwa vanu vonda kwihela yeakali mkomi kumgina Yohani Mbatisa, hata ifyo yula yeakali mdodo hilo pa ung’achale va Nguluvi ndi mkomi kuchumba Yohani."
29 Pevapulike njowo icho cha Yesu vanu vonda na vanyamula usulu vakamdikile Nguluvi na vakabatiswa na Yohani Mbatisa. 30 Ila Vafalisayo na vawulanichi va Malagicho vakakanile gala gaalagiche Nguluvi kwajili lyawo vavene, vakanile kubatiswa na Yohani.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)