Lucas 10

Muele wa Musamalia mulweela

25 Biibi ukila, mundu yumu mulangidijyi wa Buta* haya tebema, haya muyujya na umutega: «Mulangidijyi, naati bini koo boya tii, na yaani na buumi bwa milumbu na milumbu?» 26 Na Yeesu haya mu lunga tii: «Babu sinya bini mu Buta bwiitu*? Na gulu ga telegejya bini hoolu ga buulula?» 27 Yuugu mundu wa Buta* haya mu lunga Yeesu binu: «Yilu ku haajya umu vudi Vidi-nyambi Kabejya woobe mu tima dyoobe dyooso na mubuyaani boobe booso na butangala boobi booso na mu nyinyi yoobe yooso na: ‹Vula mundu gudi hangondo goobe, byeebye byoolu yi vula beebe mu nindu.›»*10.27 Lola Kumb 6.5; Law 19.18; Mat 5.43 28 Umongo, Yeesu haya mu sawiila tii: «Wa lunga bilegela! Tanga biibi mweena lusu; byeebya na wa yananga.»*10.28 Lola Law 18; 5; Rum 7.10 29 Ihani yuugu mulangidijyi wa buta* gubu vula uyi monesha tii, gudi mu buludi, Ihani haya mu yuujya Yeesu: «Haboobwa inaani gudi watonono naami?» 30 Yeesu haya mu lunga tii: «Mundu yumu gubuhuma u Yelusalema, haya sala mu zila yilu yelela u Yeliko. Hebwa nangi mu zila, haya hulu’a mu babo’o ga bilwanyi. Baaba bilwanyi, haba kuujya bindu byaayi byooso, haba mu tutugula na haba mu siga muu huminina.

31 Hakwa huma, Mupelu yumu haya kidila mu yanga yeeya zila, haŋa heebu mu moona yuugu mundu gubu teebwa, haya kila hangondo na haya weena.*10.31 Lola Law 21-3 32 Mulawi*10.32 Balawi babwa nangi bandu ba ilongo kya Isilaeli babwa nangi muu luula ba Mupelo mu mwambu wa Lubunga. Lola Bala 3.1-13 yumu na eyu hayafi’a haŋa heebu mumona yuugu mundu, haya mu heenga hangondo na haya weena.

33 Ihani Musamaliya yumu, gubwa nangi mu lugendu lwayi, haŋa heebu mu mona yoowa mundu, haya mu fwiila lusa.*10.33 Lola Mat 10.5 34 Haya sheena kwebwanangi, haya tumba malonda gaayi na umuhudila divai hamonga na maŋani na ubiganga. Na haya mu bandisha heegulu wa punda yaayi, haya mu shwaala na u mufisha u yende kya banyini tii, bamu buke. 35 Bwesha bwaayi, yoowa Musamaliya haya loosha dinari yi bidi*10.35 Dinali yi bidi yilu bengeneena 'u gabila mundu waku vubila masu ga bidi. haya mu gabila mwiini wa yendi kya banyini na haya mu sawiila: ‹Umubuke, yuugu mundu bilegela, haŋa handa galushanga naku gabilanga mona yooso ya heegula ya wa looshanga koo mu fuhulula.›»

36 Ihani Yeesu haya mu yuujya yuugu mulangidijyi wa Mahuya Golulu* tii: «U mesu goobe, munda mwa baba bandu basatu, inaani gudi mundu watonono wa yuugu mundu gubu hulu’a mu mabo’o ga bilwanyi?» 37 Yuugu mulangidijyi wa buta* haya mu lunga tii: «Na niijya tii, ni yuugu gubu mu fwiila lusa.»

Ihani Yeesu haya mu sawiila: «Inanga, na beeba inanga tanga byeebya bibuta yuugu mundu wa bu satu.»