LUKA 2

Yeesu mu lubunga* lwa Kabejya

41 Musha na musha, bashaye na Yeesu bene na bwaama bwa kuyena ku Yelusalemu ku kiandu kya Pasaka*.*2.41 Lola Kut 12.13, 23, 27 babwani muuta igandu kya Pasaka* mu masu umi na ganaa mu mwangu wa bunaa. 42 Yeesu hefisheye misha kumi na yibidi, iye na bashaaye haba banda kukekya kiandu bebya byene bwaama bwaba Yuda.*2.42 Kubayuda haŋa mwaana wenange wabambanya misha kumi na yibidi, beboya ti iye ndamwaana lungi. Haŋa yene mukuyakula ti watuluka sasa bandu baloa mu dini. 43 Haŋa kiandu kya Pasaka* hakyeewa, bashaye na Yeesu bealuka kwaabo. Ila Yeesu uvashaala ku Yelusalema haboobwa ebu ndababuyu’a. 44 Ebu babwanangi munijya tii, Yeesu gudi munda mwa 'igandu ibwanangi ayinanga na bezinaye ba luendo. Habe sumu’a lusu luzima, habakilu mukebela munda mwabezinabo na baba babekwiyukijyena nabo. 45 Haboobwa ndabumumona. Ni habagalu’a 'u Yelusalema amukebanga. 46 Masu gasatu ukila, habamuheta munda mwa lubunga* lwa Kabejya mukuyaana tega mubwaata bwa balangidijyi ba buta*, eyu muubatelegejya na mubayujya. 47 Booso babu mutelegejya mauya maaye, babu kanya manee ga nyinyi yaayi na byeebya byebwanangi mubaluula. 48 Yosefu na Madiya najyaayi haba bumumona haba kanya. Ni najyaayi haya muyuujya ti: «Mwaana waami, nyaayi kya watuteela biibi? Lola, miimi na shobe tuvanange na susu mukukukeba!» 49 Yeesu haya basawiila biibi: «Nyaayi kyamudi munikebela? Ndamuluyu’a tii, yilunihaajya uyaana munda mwa yendi kya Shaami?» 50 Haboobwa ebu ndababuyu’a kwakai byebwanangi mubasaudila beebya.

51 Kumongo, Yeesu bya haluka nabo ku Nazaleti, uvanange mukuta beebya bye musaudilanga ba shaye. Maama mauya mooso, najyaye bya yakana mukumabiika mutima dyaaye. 52 Na eyu Yeesu haya kula na heekidi na nyinyi, na haya monesha buuya kudi Kabejya na bandu. booso.