1 Kiisha, booso benange mukaole kabayaudi* habataluka, na habamufila Yeesu mabusu ga Pilato*23.1 Pilato: Ni gavana wa Kiloma, eyu gubutemena baandu u biindu bishidi bya Kabezya. Gubwanangi ngana dya Yudea mu micha ya 26-36 K.K. 2 *23.2 Lola Luka 20.22; Yohana 18.28Habasomba kumusosela mukuboya ti: «Tubu muhete mundu yuugu muu sosela bandu bakilongo kiitu ti, baingane na bakulu. Lungi bakibabengela ndaba tulanga milambu udi Kaisalia.* Na lungi ukikwivula ti iye ni Kilisito* Kolo.»

3 * 23.3 Lola Mat 27.11; 1Tim 6.13 Pilato haya muyuujya Yeesu ti: «Beebe ni kolo waba Yuda?» Naiye Yeesu haya mulunga ti: «Beebe ni wajyongola!» 4 Haŋo Pilato haya sawiila bakulu baba mipelo* na kiandu kya bandu ti: «Miimi siki mona bubi nangi bumu bukiajya yuu mundu walamune.»

5 * 23.5 Lola Malako 1.14 Ila baaba bandu habafikidijya ti: «Yuu mundu mulangidijyu dyaye, uki sosela bandu kuingana na bakulu mukisi kyooso kya bayaudi. Wesombela Galilaya, iye yuu waluvisha na kuune.»

6 * 23.6 Lola Luka 22.59 Haŋa heteejya Pilato maamo, haya yuujya bandu ti: «Yu mundu ngwa Galilaya?» 7 *23.7 Lola Malako 14.1; Luka 3.1Habamuyaka ti: «Nibeebyo, mundu wa Galilaya.» Ni Helode wene mukutalukila kisi kya Galilaya. Na wene ku Yelusalemu mumaama masu. Ni Pilato bya muyiishila Yeesu.

8 Helode heebu mumona Yeesu haya seelela sisu. Manee masu ga butu uvanange mukuvula kumumona. Kumona wene mukuteejya bandu mukuyakula kukidila iye. Lungi uvavula wamone Yeesu mukuta bingulungulu. 9 Haŋo, bya bayuujya Yeesu mauya mabule, ila Yeesu ndemuyaka nee dimo huya. 10 Bamupelo* bakata na balangidijyi ba Buta* bavanange haŋa, habataluka na bwaazi mukusosela Yeesu. 11 *23.11 Lola Malako 15-17-19; Yohane 19.2-3Helode kukumo na balonga-buvadi baayi haba musea Yeesu na kumumona busadi. Ni habamutubila ngubu yileelayileela, kiishai habamualusha kudi Pilato. 12 *23.12 Lola Mdo 4.27Busu, Helode na Pilato bene mudilo na kafa. Ila kusombela lolwa lusu habasitee kuvunga kamo kuolola kakamo.

13 Ni Pilato haya kumanya bakulu ba bamupelo* na banunu ba Bayuda, kukumo na bandu. 14 *23.14 Lola Luka 23.1, 2, 4Byabasaudila ti: «Mwanguvishila yuu mundu mukuboya ti ukita bandu baingane nabakulu bakisi. Haŋa, namuyuujya kukidila maama mauya busu bwiinu. ila sikimona kindu neekimo kyakuboya ti wa kokomenebwe. 15 Ne ni Helodi byakebee na eyu ndibu mona bubi nangi bumu udi Yeesu, ni kwabeebyo wamualusha kwaami. Yu mundu, ndakudi huya needimo dibidibi dyateeye dikibambana iye kumota. 16 *23.16 Lola Mdo 16.37; 2Kolito 11.23-24Kwa biibi nisaula bamute tundendele, haŋo nimulekela.» [17 *23.17 Lola Mat 27.15; Malako16.6; Yohane 18.39Kila kiandu kya Pasaka* Pilato wenange mukuangudila bandu muzitikibwe yuumo kunyomoka muzitikilu.] 18 *23.18 Lola Mdo 3.13-14Ila, bandu booso hababajya miuya kukumo na kuboya ti: «Uyaishe yuu mundu! Utulekedele Balaba!» 19 Yuu Balaba uvakasibwa muzitikilu kumona wevishisha luvundu mumukola ya kuingana na bakulu Bakilumi. Lungi weyaa mundu.

20 Pilato gubwanangi mukukeba kumusama Yeesu, ni byajyobola lungi na bandu. 21 Ila hibo habaata lungi muushu ti: «Umulamike kumusalaba! Umulamike kumusala!» 22 Pilato haya basaudila lwa busatu: «Waata buke bubi? Miimi sikimona bubi neebumo bukibambana kuvisha kumota kwaaye. Kwa biibi, nimututisha tundendele, ni ninamusama.» 23 Ila bandu hababajya kutamuushu wabule ti Yeesu walamikibwe bobo kumusalaba. Mbundu yaabo hayayakana yabule. 24 *23.24 Lola Mat 27.26; Malako 15.15; Yohane 19.17Haŋo, Pilato bya lamuna ti byabevulanga byateebwe. 25 Kisha bya bazitudila yowa Balaba, neeti mundu weingana na bakulu bakilumi na bya yaa mundu. Ni Pilato bya baabila Yeesu bamuteele bebya byabevula.

26 * 23.26 Lola Mat 27.32; Malako 15.21; 19.17 Balonga-buvuadi habeeshwala Yeesu mubua dyakumulamika kumusalaba, habakumaana mundu yumo wetaanibwa Simoni wenyomokela kumakunda. Yowa Simoni wene mundu wa mukola ukitaanibwa Kuleni. Habamukwaata, na kumushwadisha musalaba* wa Yeesu kwakibandibandi. Byena kujyanga Yeesu.

27 * 23.27 Lola Luka 8.52 Igandu kyatakyata kya bandu hakya mu kumba Yeesu. Mu baata bwaabu, mubwanagi babaazi babu wenaga kumudilala na kukwisosasosa kwabule. 28 Yeesu haya bakibukila kwa badi na haya basawiila ti: «Ee! bayeye ba Yelusalema!* Ndamungu didila miimi! ila mukwididile banyu benikindu na kudidila baana biinu. 29 Kumona, kindi kivanga kiboya bandu ti: ‹Buuya babakazi badi biumba, basiva butula na basiva nyamwisha baana!› 30 Mukekya kindi,

bandu bisomba kusaudila bituulu ti: ‹Bituulu! Mutuonene!›

Na bisaudila tu tuulu tu sheenene ti: ‹mutu ziike!›*23.30 Lola Hosea 10.8  31 Kumona itu bandu bangundeela biibi, miimi yidi bushwa muti ubisi,

haŋo yiyakana bini kudi banyu badi bidi miti yi nyumine?»

32 Kuvane byakebee bilwanyi bibidi bye budibwa ti bazibikibwe kumusalaba kukumo na Yeesu. 33 Habeefika mubua diki taanibwa: «Kabombo ka mushu», haŋo balonga-buvadi haba komena Yeesu misumaadi haulu ha musalaba kukumo na baba bakuyiba babidi: yumo mwajyo mulume wa Yeesu na yungi mwajyo mukazi waaye. 34 Haŋo Yeesu bya boya ti: «Shami, ubafiile lusa, kumona ndabaki yuka kyabakita!»

Ni Baaba balonga-buvadi haba kwi habeena ngubu ya Yeesu muku yitela ndonge. 35 Bandu betaluka haŋa muku lola. Naibo bakulu ba Bayaudi haba muyilula Yeesu muku yakula ti: «Uva fuula bandu bangi*23.35 Lola Zabuli 22.7-8, 109.25! Wakwi fuule iye mwini kindu. Haŋo itu iye bya kwinikindu Kilisito yowa we sobola Kabejya!»

36 Balonga-buvadi naabo byake bee habasomba kuyiilula Yeesu. Haba tuluka tonono naye mukuboya ti bamwabila divai diae*23.36 Zabuli 69.22. 37 Habamujyongodela ti: «Kwinikindu itu beebe ni Kolo wa Bayaudi, ukwifuule beebe mwini kindu!»

38 Na haulu hamushu wa Yeesu beebika kaba kalubao kabesinyina haulu hakyo ti: «Yuwu ni Kolo wa Bayaudi.»

39 Yumo hamukidi ha baba bilwanyi babidi belamikibwa kumusalaba hangondo ha Yeesu bya somba kukaya Yeesu ti: «Be! miti beebe ni Kilisito! Haŋa, ukwi fuule beebe mwinikindu, na utufuule na bashu byake bee!» 40 Ila, yowa yungi iye bya hanunukila mwizinaye na kuboya ti: «Beebe nduki tiina Kabejya nenguboya ti beebe walamunibwa kukumo na yuu mundu? 41 Beebe na miimi tuki bambana kuuku kusuba, kumona kiiki ni kitata kya maama mabimabi matweeta. Ila iye yu mundu ndavata kindu nee kimo kibikibi.»

42 Kisha yowa kilwanyi bya boya ti: «Ee Yeesu, unguejye haŋa hiva beebe mu Butangala bwoobe bidi Kolo.» 43 Yeesu bya mu saula ti: «Ngiku saudila bya kwinikindu, Leelo diino uyakana naami paladizo.»*

44 Yene hangi yuba mukidi, yuba hadya sama ku munuka, mukunga hawa zika kisi kyooso mupaka yuba dya kitema. 45 na ngubu yene bu udikibwe mu lubunga haya handika biba bibidi*23.45 Yeya ngubu yene mukuabanya bua ditokataka sisu na bua ditokatoka sisu dya lubunga. Bakulu babamupelo bobo ni bekila yeya ngubu kwakukumaana na Kabejya. kwa biibi Kabejya wehanda yeye ngubu ti killa mundu uki bambana kumutulukila. Lola Kulozoka 26.31-33; Waebulania 10.19-22..

46 Yeesu bya yaba na muuya ukata na kuboya ti: «Shami, na biika tima dyami mu biboko byoobe.» Kisha iye kuyakula bebya, bya temba tima.

47 Hemona mukulu wa balonga-buvadi mama mee nyomokela, bya tumbijya Kabejya na ku yakula ti: «Kwinikindu yuhu mundu uvane bobo mundu yidi buludi.»

48 Baaba bandu booso bee fika kuvamona maama metebwa, haba haluka ma kwabo kukwituta ma hanga maabo muku hojwa. 49 Bandu booso be yukanga Yeesu, kukumo na baa babakazi be mujyanganga kunyomokela Galilaya, be taluka mumunonga, na kulola mama makumo.

50 Kwenange mundu yumo zina dyaye Yosefu, wene wamukola umo wa Bayaudi uki taanibwa Alimathayo. Yuhu Yozefu wene mundu mulweela na yidi buludi. 51 Na wene muku dindila kuva kwa bukolo bwa Kabejya. Wene lungi yumo hamukidi ha lwa Bayaudi, Ila iye ndava bela nabo kakamo kukidila dedya kumo dya kuyaa Yeesu. 52 Iye Yosefu bya yena kudi Pilato, na kuajya kitumba kya Yeesu. 53 Haŋo bya ki shajya ku musalaba, bya kivunga mu ngubu yitokatoka, bya yena kuka kizika mumufungu we fudibwa mu hibu. munda mwaye bene ndabe biika mundu mwakale. 54 Lolwa lusu, lwene lwa tano, na sabato yene ya somba. 55 Baaba baabakazi beeva na Yeesu ku nyomokela ku Galilaya, be jyanga Yosefu, ha baka mona wowa mufungu na bebya byabee zika kitumba kya Yeesu. 56 Haŋo, haba haluka kwabo, na kuka bika tonaa subidi na maani mavumba ya kulalabisha lukoba lwa Yeesu, lusu lwa Sabato be huuma bebya bye saudibwa na buta.