Lucas 24

Yeesu wa nyomokela badingisi* babidi kuyeena ku Emau

13 * 24.13 Lola Malako 16.12 Mulwanga loolwa lusu, badingisi babidi ba Yeesu bavayenanga kumukola ukitaanibwa Emau, wowa mukola uvanange mu munonga hangi bilomitele kumi na yimo na mukola wa Yelusalema. 14 Moomwa mu zila beyenanga kujyobola kukidila maama mauya moosomeekila. 15 *24.15 Lola Mat 18.20Habenange bakidi jyobola nakukwiyujyujyena, Yeesu mwinikindu bya banyomokela, na bya yena nabo kukumo muluendo 16 *24.16 Lola Yohane 20.14; 21.4Bemumona kwa meeso, ila meeso maabo mezikibwa kusidi kumuyuka.

17 Yeesu haya bayuuja: «Mwena kujyobola kukidila kayi?» Ibo habatukama buobame. 18 *24.18 Loa Yohane 19.25Yumo hamukidi haabo wetaanibwa Keleopa haya muyaka ti: «Nguboya tii, udi beebunga muune Muyelusalemu sikiyuka byakila mwakale maa masu mabidi?» 19 *24.19 Lola Mat 9.24Naiye bya bayuujya ti: «Ko! Makemauya lungi?» Naibo habamuyaka ti: «Tukijyobodela kukidila mauya mavatebwa kudi Yeesu wa Nazaleti! Yuu Yeesu wene mubushi* mukata. Lungi wemonesha butangala bwaaye mukuyakula na mukuta bingulungulu busu bwa Kabejya na busu bwa bandu booso.

20 Bakulu biitu babamupelo* na banunu biitu bemutula mukuboya ti walamudibwe kumote. Kisha habamulamika kumusalaba. 21 *24.21 Lola Luka 1.68; 2.38; Mat 16.21Baashu tuvanange mukubadila ti ni iye ni wifuula Isilaeli. Ila leelo ndusu lwa kasatu kusomba beebya bye teebwa maama mauya. 22 Lungi baabakazi bamo bakiandu kiitu bava tuanunusha. Baaba baabakazi bavabukila kumufungu mukisi pupu, 23 Ila ndabavabanga lukoba lwaye. Habaaluka habatuvishila mukizi ti ba malaika* bava banyomokela na kubasaudila ti Yeesu udi mwejyo. 24 *24.24 Lola Luka 24.12; Yohana 20.3-19Kisha bamo hamukidi hiitu bavayena kumufungu, habakabanga mauya byakebee bivayakula baaba baabakazi. Ibo naabo ndabeemona kitumba kya Yeesu.»

25 Ni Yeesu haya basaudila baaba badingisi ti: «Ha banyu bandu basidi na lukanyi, matima miinu ndamakitabuka kabilo mauya mooso me yakula babushi.* 26 *24.26 Lola Ebalania 2.10; 1Pet 1.11Miti yivahajya Kilisito* wasube beebya busu ni washwele mubutangala bwaaye!» 27 Kiisha, haya bafifuludila ma mauya mesinyibwa mwajyo waye mu Businye Butokatoka ba Kabejya bwooso. Bya somba kubitabu kya Musa, mupaka ku bitabu bya babushi booso.*24.27 Bitabu bya ilagu kyu luulu bilumonesha bitabu bya Musa na ba nganga bilooto. Lola Luka 24.44.

28 Haŋa habe tuluka tonono na mukola wabee yenanga mwakale, Yeesu byata bushwa wayidididye na luendo; 29 Ila baaba badingisi* haba kwiaya naye na kuyakula ti: «Huuma niitu, kumona bufuku bwa tonanana.»

Haŋo, bya shwela mukyende, bya yakana kukumo nabo. 30 Haŋa he yakana mukudya bidyazi kukumo nabo, bya buula mukati byata abee kudi Kabejya, kisha byaubela na kubaabila. 31 Hakeaŋa meeso maabo hama humbuka, na haba muyuka sasa. Ila Yeesu bya zizimina kumeeso maabo. 32 Habasomba kukwi saujyena yumo kwa yumo ti: «Ngwinikindu! Matima miitu mavane muku seelela haŋa havanangiye muku tufifuludila Businye Butokatoka bwa Kabejya kokwa muzila!»

33 Hakeaŋa baaba badingisi* babidi haba taluka, haba haluka ku Yelusalemu. Haba banga baba mitonge* kumi na yumo ba Yeesu na baa bangi bandu bakiandu kyaabo. 34 Baaba bene bukumaana haba saudila baaba badingisi* babidi ti: «Byakwinikindu, Vidi-nyambi wa fukuka! Na uvanyomokela Simoni!»

35 Na baba badingisi* babidi, naibo habasaudila beezinabo mauya mooso mee kidika muzila, na beebya byabe muyuka Yeesu mu kindi kyebeleye mukati.