LUKA 8

Yeesu wafuula wamwaazi yumu na ufukula musi’a wa Yailo

40 * 8.40 Lola Mat 9.18-26; Malako 5.21-43 Haŋa Yeesu heebu yabu’a lungi mugela wa bubidi wa iziba, igandu ibwa nangi mumu dindila hakya mu tambula bilegela. 41 *8.41 Lola Malaku 5.22Mukyanga kyee’a ihindi, mundu yumu wabalu taŋana Yailo, gubwa nangi muu tebemena sinagogi*, haya vueya na haya hona u magulu ga Yeesu, hee kilu mugayidila Yeesu tii, weenangi u yendi kyaayi, 42 *8.42 Lola Luka 7.12menee gubwa nangi na musi’a wa lufu mukuhumina.

Gubwa nangi mwaana waayi yugumu ye, gubwa nangi na misha umi na yibidi. Haŋa Yeesu hebwa nangi ayinanga u yendi kya Yeilo Igandu kyatakya kya bandu ibumukumba.

43 * 8.43 Lola Lawi 15. 26-30 Mu kyee igandu, ubwanangi wa mwaazi yumu gubwanangi na lufu loo susa muloha munda mwa misha umi na yibidi, haaya tuula mona yaayi yooso muu yi fuhulula, ubabuki, babuki ndababu mu fuula! 44 *8.44 Lola Mat 9.20Haboobwa hee kyee nanga amushenenanga Yeesu umugongo waayi, haya kwa lengela songo ya ngubu ya Yeesu hanga haŋa muloha gubwanangi mumu huma hawa kama.

45 * 8.45 Lola Luka 5.5 Yeesu haya yuujya binu: «Inaani wani lengela?» Bandu booso haba tuna. Ihani Petelo haya boya: «Ngana, mitii gudi mumona igandu kya bandu baku nyungalala na bakufinga mugela gooso!» 46 *8.46 Lola Mat 14.36; Malaku 3.10; Luka 5.17-6.19Ihani Yeesu haya boya: «Udi mundu yumu gubu ni lengela manee namona bu tangala bwaami bwanihuma.» 47 Yuugu wa mwaazi bwebu yu’a tii, Yeesu wamuyu’a na wayu’a byeebya byee buta, haya yiitutula eyu munindu, eyu muu zeeza, haya hona u magulu ga Yeesu. Haya sagula mabusu ga bandu booso, ibumutaki’a ulengela ngubu, na boobwa bwebu lengela ye, haya fuu’a hanga haŋa. 48 *8.48 Lola Mat 9.22; Mdo 15.33Ihani Yeesu haya mu sawiila: «Musi’a waami, ulungila koobe kwaku fuula. Inanga bilegela.»

49 * 8.49 Lola Luka 8.41 Hanga haŋa Yeesu eyu muu sagula, hakwa vueya muvubi wa Yailo u humina u yendi kya Yailo, na haya mu sawiila tii: «Edi, musi’a woobe womota! Nangu musuvya mulangidijyi!» 50 Boobwa Yeesu bwebu telegejya biibi byaba mu sawiila, haya mu sawiila Yailo: «Nangu tiina. Lungila ye, mona musi’a woobe wa fuu’anga.»

51 * 8.51 Lola Mat 4.21 Haŋa Yeesu heebu fi’a u yendi kya Yailo, ndibu vula bandu booso ushwela mu yendi, ila, Petelo na Yakobo na Yohana hamonga na shaayi na najyaayi na yuugu musi’a.*8.51 Yiiyi ndingizi yi satu bamo naanga na 'usawiila baandu, byeebya bya fululuanga lwebu lwa Yeesu 9.28-36 na ebu ye, babu yikakula luuya loo hete’a mu bigaandu bya butu bya mbuunda ya Yeesu, mulangidizyi waabu 52 *8.52 Lola Luka 23.27; Mat 9.24; Yn 11.11-13Mu ihindi kii’i, bandu booso babwangi munda mwa yendi babwa nangi mumu didila mwaana. Ihani Yeesu haya ba sawiila: «Musami udila. Yuugu musi’a ndikyee mota, watandabala ye!» 53 Na ebu haba kilu museha Yeesu, manee babuyu’a tii mwaana womota. 54 'Ihani Yeesu haya mu waata kuu bo’o, haya tungula muhuuya na uboya: «Musi’a, buu’a!» 55 Hanga haŋa, tima dyaayi hadya galu’a na haya talu’a hanga haŋa. Na Yeesu haya ba sawiila tii, bamu gabidi bi yaazi. 56 *8.56 Lola Mat 8.4'Ihani shaayi na najyaayi haba kanya unindu, ihani Yeesu haya ba nyaajya tii, ndaba sawilanga mundu nangi yumu biibi bibuteebwa.