15 ꞌAibi ka Sacerdote ꞌapukama ꞌimainun an ñu ꞌunánkë unikama uni itsin ꞌakëma ñu ꞌaia isana tuakama ribi anuxun Dios rabiti xubunua sharatia kuakëxa: —¡Davitan Bëchikë ꞌapu ꞌikë kananuna rabiti ꞌain, kia kuati nishakëxa!
16 Usa ꞌain ka atun kakëxa: —¿Ënë tuakamaxa kikë karamina kuatin? Jesusan ka kakëxa: —Usai kara ¿Kuënëo bana kikë karamina uinsarabi iskëma ꞌain? "Tuaxu ꞌimainun an xuma ꞌakë tuakëribi ka rabiti ꞌikën".
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)