Mateo 6

ꞌItsaíira ñu sinánima tsóti Jesús kia

25 Usa ꞌaín kamina masá nuituti tsótima ꞌain. Añu karana píti ꞌaín, añu karana xëati ꞌain añu chupa karana pañuti ꞌai kiax kitima ꞌain. Nun tsóti ax ka pitishi pi tsótima ꞌikën, usai inun ka Diosan nu unioma ꞌikë, chupa pañuishi tsónun ka nu unioma ꞌikën.

26 Ka is axa suñunu nubánkë ꞌisákama atun ka ñu ꞌapaxun bimia bixun bukunima. Usa ꞌikëbi ka min Papa, naínu ꞌikë an kamabi ñu kuëënía ꞌinania. Usa ꞌain kamina ꞌisákama samaira mitsux ꞌain.