Pheexxiroosi Xaabbita’a Reyotenaa’ni Ke’isse
36 Iyyoophpheke qachcha’ni Xaabbita hiyyendaaxxi mitte manjichcho hexxemman. Summi isekinna Giriketike laagadinni «Dorqa» hiyyemaa wodda isixxi tikanna «Buddanne» hiyyaten. Isenna eloxxa yaane hujjaa’ni hiyyeeyye gargaarati yanna ifixxa duuchcha sa’issitaammaxxe manjichchomman. 39 Pheexiroosi erga isibaa maremaake manninni welti ke’eexxi dage. Isinna dageexxi geyyee wodda fooqete’ni hexxexxe kutaba’a isoo iyyemarre; aro’o shi’witeexxi melaalle duuchcha Pheexxiroosi’i elqe kayyii’ni buqqee ooxxa’n Dorqa lubboti insa’nenni welti hexxeemma wodda hujjeemmaxxa qamisuwwanna seemmuwwa iso’ni leelshaa’ni ooxxa’nemmaan.