26 Ookkoneechchi uduma Mageni «Manjo bifa no’oxxe’ninna fakkeenna no’oke’n dando, isinna abbaayya giddixxa qulxu’muwwa iima phirrisaaxxa ci’a, horekannaa biniinchaa, godobik me’aachchuwwannaa butta duuchcha’n moyowaal» hiyye.✝1:26 1 Qor. 11:7.

27 Konne qicinni Mageni manjo bifa ifixxe’ni dade; Mageniinxe bifa’ni isoo dade; manjo labbakennaa meyyake asse dade.✝1:27 Mat. 19:4; Mar. 10:6. 28 Magenikinna insa’nee «Horre; butta duuchcha wo’me; ise’nna mowwe; abbaayya giddixxa qulxu’muwwa, iima phirrissaaxxa ci’annaa buttate’ni lubbo afe le’maachcho duuchcha mowwe» hiyye eebbise.✝1:28 Dada. 5:1-2.