Lucas 22

Pheexiroosi Yessuussi’i Waakateexxa

54 Ookkonneechchi uduma Yessuusii’i abinde aa’ne me’ineexxi ookkone qeesetike sooreesike mine’n iyyemmarre. Pheexiroosinna bayyate’e isoo hordofa’neman. 55 Manni baxxetike dalla’i giddo giira ha’isheexxi mitteba offoleenaa’a Pheexiroosi dageexxi insa’ne giddo offo’le. 56 Isinna giira ifama darre’ni ofo’le’naa mitte dubarcho erganjo hubate uudexxi isoo, «Kunniqqaa isinni hedheman» hite.

57 Pheexiroosi kinni, «Tee manjichcho ani isoo ege’nebe’non» hiyyeexxi waakate.

58 Shiixxoxxe yannani uduma welkinna isoo afeexxi, «Ati insa’nenaa’ni mitteken» hiyye.

Pheexiroosi kinni iso’n, «Koo manjichcho antebaan» hiyyeexxi hiise haaso’e.

59 Mitte saate qico tureexxi weli manji mami belo isoo, «Kunni manjichchi Geliilake manjo kadeemmaxxee’e isinni hedhemake kadeexxa kokaken» hiyye.

60 Pheexiroosi kinni, «Koo manjichcho ati mayiinxe yaanexxee haasotaatexxa ani ege’nebo’non» hiyyeexxi hiise haaso’e. Eetene yanna isi haaso’ande’ni hedhee’naa lukkichchi baroode. 61 Goottikinna wirri hiyye Pheexiroosi’i uude. Pheexiroosinna, «Telcho lukkichchi baroodebaang sasele anee waakataton,» hiyyemaka Goottiinkla hiyyichcho qalli hiyye. 62 Pheexiroosinna gadhi’aa fuuleexxi hiiqise oodhe.