Lucas 8

Yessuusii’i Hordoffemaxxa Melaalle

1 Ookkoneechchci uduma Yessuusi qachchuwwake’ninna ola’uwwake’ni Mageniinxe mootummaxxa eloxxa odo lalaba’ninna kula’n marema’nemman. Iikk tommenna lami manninna isinni welti hedhemman. 2 Iittani fuggichcha hafuuranaa’ninna wele dhukkubanaa’n fayyitemmaxxi mitte mitte melaalle isinni welt hexxemmani. Insa’nenna Yessuusi torbaane fuggichcha hafuura isenaa’n fulchemmaxxi Megidelixxi Maarami, 3 Heeroodisike minike ajajallo kade’eemmake Kuuzaxxi are Yohaana, Soosiinanna wele heddo melaalle hexxemman. Tinni melaalle Yessuusinna isixxa hordofeeyye ifi’a horateechchinni gargaarta’nemman.✝8:3 Mat. 27:55-56; Mar. 15:40-44; Luq. 23:49.