Lucas 8

27 Yessuusinna hobolotenaa’n dirree wodda fuggichchi hafuuri abideek mitti manjichchi qachakenaa’n fula’n isinni afeme. Kunni manjichchi heddo yanna seemma oddo’wa’nebaang hirreessi giddo malee mine hedhaammabaaken. 28 Isinna Yessuusii’i uude wodda isi edo ibe hafuura gikki asseexxi, «Lumoke Mageniike Belto Yessuusii ane’n maa affeette? Anee rakkisabexxoshsha atee kadhataannen» hiyye. 29 Iikki fuggichchi hafuurinna tennee hiyyeechchi manjichchokenaa’n fulaashsha Yessuusii isoo ajajeemmaxxeeten. Ookkoneechchi edi darre iikki fuggichchi hafuuri yanna yanna’n isoo abida’emmaxxee iikki manjichchi haachchabikinna lekkatike sibljinni usurema’n heqqema’eemman; kaddo malee ookkone usureememmaka haachchaba enqa’n qiilla gamoojje giddi’a isoo gugachchiisa’n adhdhee me’a’neemman.

30 Yessuusinna «Suummi atiki ayyete?» hiyye isoo qore; isinna heddi fuggichchi hafuuruwwi isoo abideemmaxxee, «Suummi ank Leegoonite*8:30 Legoon hiyya sannachake hiyyaten. » hiyye hiisse haaso’e. 31 Iikki fuggichchi hafuuruwwinna Yessuusii’i «Maganeten dhi’mo bale’n me’inannoshsha no’oo ajaajjoxxe» hiyya’n isoo kadhate. 32 Ookkone loola’n koobati qarqara anso dheeddammaxxi heddo booyye hexxemman; iikki fuggichchi hafuuruwwinna «Eettene booyye’n e’yinnonna’a eettii no’aa uwwi» hiyya’n Yessuusii’i kadhate. 33 Iikki fuggichchi hafuuruwwinna manjichchokenaa’ni fuleexxi booyyete’n e’ye; booyyetinna bowwa’iinke irganaa’n adadde abbaayyate’n diddeexxi liqiinsende.

34 Eettenne booyyeexxi allalisanonna tennee kaddeexxa yaane uuddee wodda baajje me’iteexxi tennee ookkone qachcha’ninna hadi giddo odeessite. 35 Ardikinna tennee kaddeexxa yaane uudatee hedhe hedheemabaa’n Yessuusibaa dage. Iikki fuggichchi hafuuruwwi isonaa’n fulleemmak manjichchinna seemma odo’we’e, kiidonna isi’a higge’naa Yessuussixxe lekka hunda ofo’le’naa anfee wodda sodaante.