Lucas 9

38 Eettene yanna ardi giddii’n mitti manjichchi hafuura gikkasseexxi «Barsiisallo afeenneke belti mitte iso calla kadeemmaxxe anka belto ani’a uuddotta’a ate’e kadhata’ennen. 39 Fuggichchi hafuuri iso’o abidaa wodda dedhange’n raaraan; afo’okena’inna honbisiisa’nee gangalchiisaan; biso’o isikanna maddoossisa’n hittadheeke abari uduma iso’o waalaan. 40 Hordofeeyye atixxinna isinaa’n fulchito’a insa’ne kadhatenne yaane kinni dandeenneba’a.»

41 Yessuusinna, «Ha’no amana affinebaak dabaaleeyye manni haaniqico ani ha’nonni welt hedhanno? Haaniqici’ata ha’no dande’anno? Belto atika kaba’a idagi.»

42 Beltikinna daga’nde’n hedhee’na’a iikki fuggichchi hafuuri iso’o butta ibiseexxi gangalchiise. Yessuusi kinni ookkone fuggichcha hafuura xixeexxi beltichcho fayyiseexxi anna isike’ninna uwwe. 43 Ardi duuchchinna Mageniinxa lumoxxa hunna uudeexxi saade.

Yessuusi Ifixxe Reyoxxee Langaxxa Haaso’eexxa

Manni duuchchi isi asseexxa yaane duuchcha saadande’n hedhee’naa Yessuusi ifixxa hordofeeyye hiyyeeqic,