1 Futi adoti kuvadzidzi vache, "Miedzo yokuti munhu atadze inouya pachokwadi, asi mayanga kuno uyo anouya nayo! 2 Zvaitova hasa kwaari kana guyo raisungirihwa mumutsipa wache achichudumutsiwa mugungwa, panokukonzera umwe wovadiki vakareva kutadza. 3 Zvichenjererei."

"Kana hama yenyu yatadza, mudzumei, kana akapinduka, muregererei, 4 kana akakutadzirai kanomwe pazuva ribodzi, achidzoka kwamuri kanomwe, achiti, ‘Ndatendeuka,’ munofanira kumuregerera."

5 Nhumwa vadoti kuna Ishe, "Ingidzirai kutenda kwedu!"

6 Ishe vadoti, "Dai muno kutenda kunenge mbeu yomasitadhi, maigona kuti kumuti uyu womukuyu, ‘Dzupuka udzikiwe munyanza,’ waikuteererai."

7 "Aripo chere pakati penyu, anomushandi wobasa rokugaura nokurisa mahwai paanenge wabva kumunda angamuti, ‘Chiuya izvozvi ugarikike uje pathafura?’ 8 Handiti anotomuti, ‘Tenaira undiitire chirairo, ndije nokumwa. Mumasure mozvakarezvo wodzojawo nokumwa?’ 9 Anotenda mushandi chere nondava yokuti waita zvaadoraihwa? 10 Naimimiwo, kana maita zvese zvamudoraihwa, moti, ‘Tiri varanda vasingakoshe, tandoita zvataifanira kuita.’"

11 Paanga achienda kuJerusarema, adopinda nopakati poSamariya noGaririya. 12 Achipinda mumusha, adosangana novanhu gumi vanga vanomabobo, ivo vadomira kurefu, 13 ndokusumudza mazvi yavo vachiti, "Jesu, Tenzi, tinzvirei tsitsi."

14 Paadovaona adoti kwavari, "Endai kozvinangidza kuvapirisita."

Pavanga vachienda vadobva vapora. 15 Zvino mabiyavo, paadondoona kuti waporesewa, adodzoka, achirumbidza Mwari noizvi riri pamusoro, 16 Adowira pasi nochiso potsoka dzaJesu, achimutenda. Zvino iyeyo wanga ari muSamariya. 17 Ipopo Jesu adoti, "Anga vaporesewa vanga vasiri gumi nai? Ko vapfemba vari poi? 18 Hapanai chere wadzoka kuti auye korumbidza Mwari kusiya kwaiyeyu mutohwa?" 19 Adoti kwaari, "Sumuka uende zvako, kutenda kwako kwakuporesa."

20 Achibvunziwa novaFarisi kuti Umambo hwaMwari hwaidzouya rini, adovapindura, "Umambo hwaMwari hahuuye nozviratidzo zvinooneka, 21 havangati, ‘Onai, huri pano!’ kana kuti, ‘Huri uko!’ ndava nangarai, Umambo hwaMwari huri pakati penyu."

22 Manje adoti kuvadzidzi, "Mazuva yari kuuya pamuchasuva kuona rimwe romazuva yoMwanakomana woMunhu, asi munorionaba. 23 Zvino vachati kwamuri, ‘Nangarai, uko!’ kana kuti, ‘Nangarai kuno!’ Rekai kuenda, rekai kuvatevera. 24 Nokuti semapenyero yanoita mheni ichivheneka denga kubva kurimwe divi kuenda kuno rimwe, ndizvo zvichaita Mwanakomana woMunhu pazuva rache. 25 Asi anofanira kutambudziwa pazvinhu zvizinji nokurambiwa novanhu vonguwa ino. 26 Sezvazvanga zvidoita pamazuva yaNowa, ndizvo zvazvichaitawo pamazuva yoMwanakomana woMunhu. 27 Vaija, vaimwa, vairoorana kusvikira zuva Nowa raadopinda mungarava mvura idouya ichivaparadza vese. 28 Ndizvo kamu zvazvanga zvidoita mumazuva yaRoti, vaija, vaimwa, vaitenga, vaitengesa, vaijara, vaivakha, 29 asi pazuva ridobirika Roti muSodhoma moto nochefu yoruvara rokheri zvidona kubva kudenga zvichivaparadza vese, 30 ndizvo zvazvichaitawo pazuva richaratidziwa Mwanakomana woMunhu."

31 "Pazuva rakarero, uyo anenge ari pamusoro poimba, zvinhu zvache zviri mumba, mbaareke kuburuka kuti azvitore, naiyewo ari kumunda mbaareke kudzoka. 32 Yeukai mukadzi waRoti. 33 Wese anotsvaga kuchidza upenyu hwache anotaikihwa nahwo, asi anotaikihwa noupenyu hwache achahuchidza. 34 Ndinokunyepai, pausiku hwakarehwo pachava novairi pamubhedha mubodzi, umwe achatohwa umwe achisiiwa. 35 Pachaita vakadzi vairi vachakuya vari pabodzi, umwe achatohwa umwe achisiiwa. 36 Varume vairi vachava mumunda, umwe achatohwa umwe achisiiwa."

37 Ivo vadoti kwaari, "Poi, Ishe?"

Adoti kwavari, "Pano chitunha ndipo panoungana magora."