Lucas 1

11 Mtumigwa wa kuulanga kwa Mulungu, kamlawila ubanzi wa kulume wa chilemela cha kuvukizila ubani. 12 Zakalia viyamonile kasinhuka na kagwa kigudemo. 13 Mbali mtumigwa wa kuulanga kwa Mulungu kamlongela, "Sekeudumbe Zakalia, manake Mulungu kahulika pulo jako, mwehe wako Elizabeti kokulelela mwana wa chilume. nagweye komkema zina jake Yohana. 14 Kwa vija kokwing’ha ndeng’helelo na kudeng’ha, nawo wanhu wengi vija vonda wadeng’helele kwa mbuli ya uvumbuka wake. 15 Kwa vija kokua mkulu ha Mndewa. Hong’wa mbe divai hebu upele. Nayo kobokela udaho kwa Muhe wa Mulungu kabula hanavumbuka, 16 nayo kowadahiza wanhu wengi Waizilaeli kubwela kwa Mulungu wao. 17 Nayo kolongola kabula ya Mndewa, muu muhe na udaho wa Eliya. Koihindula mioyo ya watata kuwatonga wana wao, kowatenda waja wadulu wamtogole Mndewa, naivo komtandila Mndewa wanhu wake.’'