Lucas 1

Malia kokwimba wila wakumtogola Mulungu

46 Nayo Malia kalonga,

"Moyo wangu womtogola Mndewa,

47 nodeng’helela kwambuli ya Mulungu mlohozi wangu,

48 kwa vija hanisemwile mtumigwa wake mtumbala mavindi,

manake kulawa sambi ulelo wose wong’hema ning’higwe unovu na Mulungu.

49 Manake iyo yeli na udaho kanhendela mbuli ya uzonza,

Zina jake yaiyeka dinang’hane ng’hane.

50 Ubazi wa Mulungu wowawinza waja wose wamtogole,

kulawa ulelo mbaka ulelo.

51 Kwa vija katenda mbuli ng’hulu kwa udaho wake, na

kapwililisa nhonga za weli na udulu mmioyo yao.

52 Kawahulumusa wafaume kulawa muulongozi wao,

mbali kawenula waja wotumbala.

53 Kaweng’ha nzama weli na nzala vinhu vinogile,

mbali wazenzi kawasegeza bila chinhu.

54 Kamtaza mtumigwa wake Izilaeli,

viyakumbuke lagano jake da kumonela bazi.

55 Kama viyawalalike Tata zetu,

Ibulahimu na ulelo wake bila uhelelo!"