Lucas 2

25 Muikae ya Yelusalemu hakala na munhu imwe zina jake Simeoni, nayo ni munhu yatogoligwe kwa Mulungu, yomfugamila Mulungu, yokalizila kuloholigwa kwa Waizilaeli na Muhe wa Mulungu ukala nayo 26 nayo kagangamiziligwa na Muhe wa Mulungu kua hopata ifa mbaka yamone Kilisito yasaguligwe na Mndewa. 27 Ivo kuno kolongozigwa na Muhe wa Mulungu, Simeoni kengila Haikae ya Mulungu, na tata na mami yake Yesu wamgala mwana Haikae ya Mulungu, wamtendele kama viwazowele mzindagizi zao, 28 Simeoni kamsola mwana mmakono gake kuno komtogola Mulungu, kalonga,

29 "Mndewa, sambi kodaha kumleka mtumigwa wako

yage kwa utindiwala, kama vuunilalike.

30 Kwavija niuona ulohozi wako kwa meso gangu mwenyego,

31 uutandile goya mmeso ga wanhu wose,

32 diwe bung’hulo kwa kuwabung’hulila wanhu waja sio Wayahudi

na Ukulu wa Mulungu kwa wanhu wako Wazilaeli."