Luka 7

Yesu komzilibula mwana wa mgane

11 Chipindi chidodo vichibitile, Yesu kaita muikae imwe yokemigwa Naini, kuno yailongoze na waluko wake na bumbila kulu da wanhu diwawinza. 12 Viyawile behi na kuvika kudilango kulu da ija kae, wanhu wakalile woita kuwanda mwana wa mgane wakala wolawa kunze muikae. Mwana iyo wa chilume yadanganike kakala mwana waiyeka wa mami iyo mgane, na bumbila kulu da wanhu dikala hamwe na mgane iyo. 13 Mbali Mndewa Yesu viyamonile ija mgane kamonela bazi, kamlongela "Sekeulile." 14 Amala kadigendela komwa na kujamha, na waja wose wadipapile wema. Yesu kalonga, "Gombwanga, nokulongela lamka wime!" 15 Ija munhu yakalile kadanganika kalamuka kakala na kasonga kulonga, nayo Yesu kamwing’ha mami yake iyo mwana.

16 Wanhu wose wazaganyika na wamtogola Mulungu. walonga, "Lelo mlagusi mkulu wa Mulungu kachizila, Mulungu keza kuhonya wanhu wake!"

17 Mbuli ino yenela Yudea yose na mziisi zili behibehi.