Lucas 8

Yesu kodikomhokela ng’humbi da mazi

22 Zua dimwe Yesu kawalongela Waluko wake, "Chiloke mbaka mmwambu mwa lamba." Amala wekwela muingalawa hamwe na waluko wake, wasonga kuloka. 23 Nawo viwakalile muingalawa Yesu kawasa. Hamwande chidogo beho kulu dilawila dilava ng’humbi kulu da mazi dilawila na kwingila muingalawa, baho ngalawa ikala muibung’hukila. 24 Nao waja waluko wake waita kwa Yesu na kumlamsa walonga, "Go Mndewa go Mndewa lamka chodanganika!"

Yesu kalamka kadikomhokela beho na ija ng’humbi ya mazi, na dija beho kulu dinyamala na hakala na utindiwala. 25 Labaho Yesu kawauza waluko wake, "Nhogoli yenu yakulihi?"

Mbali waja waluko wakanganya na kudumba na kuiuza wenyego, waiuza "Ivo munhu ino yelihi? Mbaka kodikomhokela beho na ng’humbi da mazi navo vomuhulika!"

Yesu komhonya munhu yambule chinyamkela

26 Amala Yesu na Waluko wake waloka mbakamhwani ya isi ya Wagelasi ikanhiza kuita ziwa da Galilaya