Lucas 8

43 Ivija baho kukala na muke imwe yakalile yodununzika kwa utamu wa kulawa damu kwa milao kumi na midi, nayo katumila uzenzi wake wose kazambwila walaguzi wa kumhonya mbali wapotigwa kumhonya. 44 Na ija muke kabita hagati ha dija bumbila da wanhu mbaka kamvikila Yesu na kamha mhindo ya valo da Yesu, bahaja utamu wake uhona. 45 Yesu kauza, "Yelihi yanyamhile?"

Ivo wanhu wose wabela, mbali Petulo kamwidika, "Go Mndewa, wanhu wano wose wakumemela gweye."

46 Mbali Yesu kalonga, "Hana munhu kanyamha, manake nivimanya kua udaho unilawa." 47 Ija muke viyaonile hadaha kuifisa ija mbuli imlawilile, kalawilila kwa Yesu kuno kogudema, na kagwa mmagulu ga Yesu. Yeli haulongozi ha wanhu wose, kamlongela Yesu na wanhu wose wakalile haja, habali kamwamha Yesu na vija viyahonyigwe. 48 Yesu kamlongela ija muke, biti yangu nhogoli yako ikuhonya. Genda kwa utindiwala.