1 Reis 18

41 Ẹlaija oben Ahab bẹ́, "Bhana. Zọhng chi, abir agwo, okurọ bẹ́, kaam kk’etum ch’ẹrọng chiden mmaanga ch’im’etebh." 42 Minna kw’Ahab obin ofona bẹ́, od-ochi, obira ogwo. Ẹlaija ovura z’ogbeso kw’Kaamẹl, ọraka, oyika eso ny’ntaak sẹ.

43 Oben ọtọhmnọng kwẹ bẹ́, "Zọhng kkerẹ z’ẹbhaakẹ ch’ọraanga kwiden." Ofona od-okkerẹ.

Otek-ẹ bẹ́, "Ọttọhk za kinze."

Ẹlaija ọtọhm-ẹ maa, opyirẹ igbedim ichenọmfa, oben-ẹ bẹ́, "Kpa nnam zọhng kkerẹ."

44 Ttong igbedim ichenọmfa, ọtọhmnọng nwo otek-ẹ bẹ́, "Nze ebonọ ch’ẹchamẹ mach’ọbọhk kw’oyokinọng, ch’ebin z’ọraanga kwiden ed-evur-ovura."

Ẹlaija oben-ẹ bẹ́, "Zọhng tek Ahab bẹ́, ovura z’ọkpaar kwẹ kw’ẹnyanya ẹd-ẹtọr ofona, ọfha ẹrọng ening-ẹ ẹkpa."

45 Ny’ogbe nwo ẹrọng kk’ẹpya, ebum ẹtọma osisi, ẹrọng chiden ẹtọma otitebh. Ahab ọyaar ochina z’Jẹzrẹl.