Gênesis 16

हागार आन तियाआ पोर्‍यू इस्माएल

1 अब्रामोअ लाडी साराआ पोर्‍ये कायने ओते. तियीइ हाजिरा नावोअ एक मिसरवाली पावरीइं ओती. 2 सारे अब्रामोहो कोयो, "पाल, यहोवा देवे तोम माआं पोर्‍ये ओवीइलोअ बोंद कोइत मिक्योहो, तियाहा काजे आंय ताहूं विनंती कोअहो के तू माआं पावरीइरी जात हुवेए; ओत सेकेहे के माआं कुटूंबो तियी वाअहीं वादीत सेके." साराआ ए गोठ अब्रामे मानित लेदी. 3 तियाहा काजे जाहां अब्रामोहो कनान देसोम रोत्लाहा दोहो वोरह्ये पुरे ओवे, ताहां तियाआ लाडी सारे तियीइ मिसरवाली पावरी हाजिराहा लेत कोइत तियीइ माट्यो अब्रामोहो आप्यी, के ते तियाआ लाडी बोणित सेके.