8 फाशुउ देवे नोहाहा आन तियाआ पोर्‍याहा कोयो, 9 "उनाआ, आंय तुमाअरी आन तुमाआ फासाड़ी जे तुमाआ पारवाड़ी आवे, तियीइरी बी शप्पत लेहो; 10 आन आखा जिवता जनवारोअरी बी जे तुमाअरी होय, सिड़े, कोर्‍येए जनवारे, आन धरतीपोर्‍येए रानठ्ये जनवारे, धरतीइ जेत्ते जनवारे जाहाजेम रोत निठेहे तियांअरी बी शप्पत लेहो. 11 आन आंय तुमाअरी माआं ए शप्पत लेहो के आखे जनवारे फाशेए रेले वाअहीं ने आरवाय, आन धरती आरवीइलोअ काजे फाशीइ रेल ने ओवे."