8 फाशुउ देवे नोहाहा आन तियाआ पोर्‍याहा कोयो, 9 "उनाआ, आंय तुमाअरी आन तुमाआ फासाड़ी जे तुमाआ पारवाड़ी आवे, तियीइरी बी शप्पत लेहो; 10 आन आखा जिवता जनवारोअरी बी जे तुमाअरी होय, सिड़े, कोर्‍येए जनवारे, आन धरतीपोर्‍येए रानठ्ये जनवारे, धरतीइ जेत्ते जनवारे जाहाजेम रोत निठेहे तियांअरी बी शप्पत लेहो. 11 आन आंय तुमाअरी माआं ए शप्पत लेहो के आखे जनवारे फाशेए रेले वाअहीं ने आरवाय, आन धरती आरवीइलोअ काजे फाशीइ रेल ने ओवे." 12 फाश्योअ देवे कोयो, "जे शप्पत आंय तुमाअरी, आन जेते जिवते जनवारे तुमाअरी होय यां आखाअरी बी हादाजोलम्यीइ पिड़ीइ काजे लेहो, तियीइ ए निशाणी होय: 13 आंय वाद्लामेहें माआं बाण मिक्यीही, ते माआं आन धरतीइ विसमेहें शप्पतेए निशाणी रोये.