Gênesis 5

Odenɔ Aɖam ɔdɛ kpɛ nɔ Noa

1 Ebui gɛ bafɔ̃nɔ nɛ Aɖam yɛihui nɔ ishuɔ nɛ alɛ.

Gɛ Owusoso Akaa abhɛtɛ anɔdzrameɛ, abhɛtɛ yɛ nɛ Owusoso Akaa tɛzãzã mɛ. 2 Abhɛtɛ balɛ anyɛ nɛ adzɛ kɛlɛ eyula alɛ. Kɛlɛ gɛ abhɛtɛ balɛ, ekulu alɛ asɛ "anɔdzrame."

3 Aɖam azã nɛ ɛkpã adɛ kpɛnɔ agɔ alafa zɛzɛ̃ nɛ afɛata, amɔ eyi anyɛ, nɛ yɛ tɛzãzã mɛ, gɛeyii piapii; kɛ lɛ akɔ yɛinye asɛ Seeti. 4 Seeti yɛ tɛmɔmɔ kideɛ, Aɖam azãnɛ ɛkpã agɔ alafa taasɛ̃ kɛlɛ amɔ beeyi anyɛ nɛ̀ beeyi adzɛ bhlatɔ. 5 Bálɔkɔ Aɖam yɛ agɔ petee aplɛnɔ baagɔlɔɔ, azãnɛ ɛkpã agɔ alafa teezhyita nɛ afɛata, kɛlɛ ebetsí.

6 Gɛ Seeti azãnɛ ɛkpã agɔ alafa zɛzɛ nɛ teetiɛ, ebedzi Enɔshi yɛaka, Seeti azãnɛ ɛkpã agɔ alafa taasɛ nɛ̀ tegegene kɛlɛ azamɔ beeyi anyɛ nɛ̀ beeyi adzɛ bhlatɔ. 7 Kɛlɛ gɛ ebedzi aka kɔ Enɔs, Seti azã nɛ ɛkpã agɔ alafa taasɛ̃ nɛ̀ tegegene kɛlɛ azamɔ beeyi anyɛ nɛ̀ beeyi adzɛ bhlatɔ. 8 Balɔkɔ Seeti yɛ agɔ petee aplɛnɔ baagɔlɔɔ, azã nɛ ɛkpã agɔ alafa teezhyita nɛ̀ kɛfɔ nɛ taabha, kɛlɛ ebetsí.

9 Gɛ Enɔshi azanɛ ɛkpã agɔ afɛtezhyitaa, ebedzi aka kɔ Kena. 10 Kɛlidemɛ gɛ ebedzi Kena yɛaka ebekeɛ, Enɔshi azanɛ ɛkpã agɔ alafa taasɛ̃ kɛlɛ azamɔ beeyi anyɛ nɛ̀ beeyi adzɛ bhlatɔ. 11 Balɔkɔ Enɔshi yɛagɔ petee aplɛnɔ baagɔlɔɔ, azãnɛ ɛkpã agɔ alafa teezhyita nɛ̀ teeti, kɛlɛ ebetsí.

12 Gɛ Kena aŋã agɔ afetegegeneɛ, ebedzi Mahalalɛl yɛaka. 13 Kɛlɛ gɛ edzi aka akɔ Mahalalɛl ebekeɛ, Kena azãnɛ ɛkpã agɔ alafa taasɛ nɛ̀ afɛtaalɛ kɛlɛ azamɔ beeyi anyɛ nɛ̀ beeyi adzɛ bhlatɔ. 14 Balɔkɔ Kena yɛ agɔ petee aplɛnɔ baagɔlɔɔ, azãnɛ ɛkpã agɔ alafa teezhyita nɛ̀ kɛfɔ, kɛlɛ ebetsí.

15 Gɛ Mahalalɛl aŋã agɔ afɛteeholo nɛ̀ teetiɛ, ebedzi Dzaɖɛd yɛaka. 16 Kɛlɛ gɛ edzi aka akɔ Dzaɖɛd ebekeɛ, Mahalalɛl azãnɛ ɛkpã agɔ alafa taasɛ̃ nɛ̀ afɛata kɛlɛ azamɔ beeyi anyɛ nɛ̀ beeyi adzɛ bhlatɔ. 17 Balɔkɔ Mahalɛl yɛ agɔ petee aplɛnɔ baagɔlɔɔ, azãnɛ ɛkpã agɔ alafa taasɛ̃ nɛ̀ afɛteezhyita nɛ̀ teeti, kɛlɛ ebetsí.

18 Gɛ Dzaɖɛd aŋã agɔ alafa zɛzɛ̃ nɛ̀ afɛteeholo nɛ̀ taabha, ebedzi Enɔki yɛaka. 19 Kɛlɛ gɛ edzi aka akɔ Enɔki ebekeɛ, Dzaɖɛd azãnɛ ɛkpã agɔ alafa taasɛ̃ kɛlɛ azamɔ beeyi anyɛ nɛ̀ beeyi adzɛ bhlatɔ. 20 Balɔkɔ Dzaɖɛd yɛagɔ petee aplɛnɔ baagɔlɔɔ, azãnɛ ɛkpã agɔ alafa teezhyita nɛ̀ afɛteeholo nɛ̀ taabha, kɛlɛ ebetsí.

21 Gɛ Enɔki aŋã agɔ afɛteeholo nɛ̀ teetiɛ, ebedzi Metusela yɛaka. 22 Kɛlɛ gɛ edzi aka akɔ Mɛtusela ebekeɛ, Enɔki azãnɛ ɛkpã agɔ alafa taasɛ kɛlɛ azamɔ beeyi anyɛ nɛ̀ beeyi adzɛ bhlatɔ. 23 Balɔkɔ Enɔki yɛ agɔ petee aplɛnɔ baagɔlɔɔ, azãnɛ ɛkpã agɔ alafa taata nɛ̀ afɛteeholo nɛ̀ teeti. 24 Enɔki agã nɛ̀ Owusoso Akaa; kidegba agaa bazã, ɔmɔsɛ Owusoso Akaa alɔkɔɛ ashɛnɔ.

25 Gɛ Mɛtusela aŋã agɔ alafa zɛzɛ̃ nɛ̀ afɛtaasɛ̃ nɛ̀ tegegeneɛ, ebedzi Lamɛk yɛaka. 26 Kɛlɛ gɛ edzi aka akɔ Lamɛk ebekeɛ, Mɛtusela azãnɛ ɛkpã agɔ alafa tegegene nɛ̀ taasɛ nɛ̀ taabha kɛlɛ azamɔ beeyi anyɛ nɛ beeyi adzɛ bhlatɔ. 27 Balɔkɔ Mɛtusɛla yɛ agɔ petee aplɛnɔ baagɔlɔɔ, azãnɛ ɛkpã agɔ alafa teezhyita nɛ afɛteeholo nɛ teezhyita, kɛlɛ ebetsì.

28 Gɛ Lamɛk aŋã agɔ alafa zɛzɛ̃ nɛ̀ afɛtaasɛ nɛ̀ taabhaa, amɔ eyi anyɛ. 29 Akɔ yɛinye asɛ Noa kɛlɛ aɖɔ asɛ, "Yɛaba yɔ bɔlɔ kite nɛ bɔlɔ ahɔɛmɛ bɔtɔ kɛtɛkɛtɛ gɛenu kibui gɛ kɛba nɛ kibeɛ gɛ Apaleteɛ aɖɔ kibui akpɛ kesiakpaa." 30 Noa tɛmɔmɔ kideɛ, Lamɛk azãnɛ ɛkpã agɔ alafa teeti nɛ̀ afɛteezhyita nɛ̀ teeti kɛlɛ azamɔ beeyi anyɛ nɛ̀ beeyi adzɛ bhlatɔ. 31 Balɔkɔ Lamɛk yɛ agɔ petee aplɛnɔ baagɔlɔɔ, azãnɛ ɛkpã agɔ alafa tegegene nɛ̀ afɛtegegene nɛ̀ tegegene, kɛlɛ ebetsí.

32 Gɛ Noa aŋã agɔ alafa teetiɛ, ebedzi Shɛm, Xam nɛ̀ Yafɛti balɛ aka.