યોહાન 12

ઈસુ રાજા તરીકે યરુશાલેમમાં આવે છે

12 બીજે દિવસે પવઁમા આવેલા ટોળાએ સાંભળ્યું કે ઈસુ યરુશાલેમ આવી રહ્યા છે. 13 તેઓએ ખજૂરીની ડાળીઓ લઈને તેમને મળવા બહાર ગયા, અને બૂમ પાડી,

"હોસાન્ના!"

"પ્રભુને નામે જે આવે છે તેમને ધન્ય હો!"

"ઇઝરાયેલના રાજા સ્તુત્ય હો!"

14 ઈસુને એક ગધેડાનો વછેરો મળી આવ્યો, અને તેના પર તેઓ બેઠાં, જેમ લખેલું છે તેમ:

15 "સિયોનની દિકરી બીશ નહિ,

જુઓ, ગધેડાના ખોલકા પર સવારી કરીને, તમારો રાજા આવે છે."

16 પહેલાં તો તેમના શિષ્યો આ બધું સમજયા નહિ, ઈસુ મહિમાવાન થયા પછી જ તેઓને સમજાયું કે આ બાબતો તેમના વિશે લખવામાં આવી છે અને આ બાબતો તેમના માટે કરવામાં આવી રહી છે.

17 હવે જે ટોળું તેમની સાથે હતું જયારે તેમણે લાઝરસને કબરમાંથી બોલાવ્યો અને મરણમાંથી સજીવન કર્યાં તેઓએ સાક્ષી ફેલાવવાનું ચાલુ રાખ્યું. 18 કારણ કે ઘણાં લોકોએ સાંભળ્યું હતું કે તેમણે ઘણાં ચમત્કાર કયાઁ હતા તેથી તેમને મળવા બહાર ગયા. 19 તે માટે ફરોશીઓએ એકબીજાને કહ્યું, "જુઓ, આપણું કાંઈ વળતું નથી. જુઓ, આખું જગત કેવું તેની પાછળ ગયું છે!"