9 Shi wo ɓə kwu ɓəye da, a la wo gwnulo ncei n əɓa awye, jesnu ənyì kwa ɓwu wo n əɓa awyeba.

10 Ɓai n awyei kpmiwu zhi byiwuu n əshebmana ɓai gye shi wo ɓə gnyi woi gwnulo, aza ngwnu-aba n aje abwuibwuii kpe ɓa kpmiyazhi n ma ɓa. 11 Ɓa gna, "Əfye Agəliliyi, knyiyi nu zhni fyenyi gnyiagnyi zhi fyei shi əshebmana awye a? Yeisu ye, ń a la wo lá n fye aba, woi gwnulo əshemi nyi, wo ɓə jezeɓe n ɓwasnu nlai nu, shi fye gye woi gwnulo əshemi nyi."