1 She pyentikwos əwyi ɓə si, əɓa vnyanya ɓa ɓe yefyi n aba gbmanyi n kwnusnu. 2 N əsagbmanyii, kəsnu ngye ase yaakwo kwa gbmiɓe n əshemi jesnu kwaa nu nyakwnu vnyanya aba n ɓa ɓə sase fyi nyi. 3 Ɓa gye ənya n kwo ɓə wu ngye əná-anyitala, ɓa gnajeya jesnu ɓa ɓe ɓa yakpe n zahozahoyi n ɓa. 4 Əɓa vnyanya ɓa kwu nu n Zafnu Gyigyiyii jesnu ɓa ya ɓai daɓo n anyitala ajei ngye shi Zafnu ɓə ga ɓa kalá.

5 Nsayii Ayahudiyi Shekwodnawoyi ɓə fyi n Urishelima ɓai kwnu n əknyi dəhodəhoi n anyì.