Eksọdọs 2

Emana Moses

1 Awodeen esiin Lifai amaadọ awonwaan Lifai, 2 ndin anye amaayommo anyʌñ aman ayịn awodeen. Eka ayịn ado akekịt naña ayịn amọ ayaiya, anye amaadịp anye ke ufañ afiọñ ita. 3 Ado ke anye imiikikanna idịp ayịn ado aba, anye amaaben anye asịn ke akpasa ñnyanyaha*2:3 Akeme ido ubom, nte ke Yenesis 6:14 e-ekeyette itai ye bitumen, anyʌñ aben anye akenịm ke atu ñnyanyaha ke mben Inyañ Nail. 4 Ndin ayịneka amọ awonwaan amaakeda nsan-nsan ase se idiitịppe inọ ayịn ado.

5 Akema ayịn awonwaan Fero amaasọiyọ akaa Inyañ Nail adikiyie idem, ndin nditọufọk amọ emaesaña ke mben inyañ. Anye amaakịt akpasa ado ke atu ñnyanyaha anyʌñ adọñ afʌn awonwaan amọ akeben anye isọk imọ. 6 Ke anye amaakekʌppọ akịt nsekayịn ado naña atua, mbọm amaanam anye. Ndin anye amaabo, "Anyem ado keed ke atu nsek nditọ Hibru."

7 Ndin ayịneka amọ awonwaan amaabịp ayịn Fero ate, "Ami mmekeme ikikoot keed ke atu ibaan Hibru nọ adido adeb unọ fiin?"

8 Adiaha Fero amaanyịmme ate, "Ii, kaa." Ndin, ayịneka amọ awonwaan amaakaa akekoot eka ayịn ado adi. 9 Ndin ayịn Fero amaabo anye, "Ben nsekayịn ami kekama nnọ miin, ndin ami ñyaukpe fiin akʌk." Ke ntoro, mma ado amaaben ayịn ado akekama. 10 Ayịn ado amaakekpon, eka amọ amaaben anye asọk ayịn Fero, ndin anye amaakappa ado ayịn amọ. Adiaha Fero amaasio anye anyịñ, Moses,*2:10 Moses atie nte usem Hibru a-adooho adidʌt nsio abo, "Ami ñkedʌt anye nsio ke mmọọñ."