Lucas 10

Bomanu ba Musamaliya Bɔlɔti

25 Pa bingo, weekisi ɔmɔɔ aisalia aemali, aumboli Yesu o mbowaambela lilonga: «Weekisi, nke ŋaande nte m’mba luiko la tiiti»? 26 Yesu awuuchisa nte: «Koandekamaka ŋaande otema ba isalia*? La ookaka ŋaande ango asɔmaka wɛɛ»? 27 Ongo weekisi aisaliya auchisa nte: «Yala atalange Bɔkɔta Kanamombe abɛ, o lisolo jabɛ lalikuli, o onto baɛ lalikuli, o nkulu yabɛ lalikuli, la limanya jabɛ lalikuli. La, yala atalange a mamana labɛ wɛɛnte wiilangaka wɛɛmɛlɛ*10.27 Ɔsɔmɛ Nkanya 6. 5; Walawi 19. 18.». 28 E kantunda Yesu aosimeli: «Ombuucha bɔlɔti! Bingo nde biyala wɛɛ atakee, aliko obaa luiko».

29 Kinaki ongo weekisi a Isaliya* olangi mbwiɛnya njala boso sɔlɔ, aumboli Yesu:«La amamana lami ko nani»? 30 Yesu awuuchisa.

«Bonto ɔmɔɔ wiiki atakitela mima ɛ Yɛlusalɛma nchwa e Yeliko. Aiki ndako e mboka, okwɛɛ waakasa ba bakumoli. Bango baokumoli bikambwa bende la mboophoma, baochiki ombolala mɛ la mbwa».

31 Kopaseli Weeta atei ɔmɔɔ aetaki weengo mboka, awɛɛni, aeti boleka bonkinɛ, achwe lande. 32 Mulawi*10.32 Mulawi: Balawi baiki banto ba bolunga ba lɔsɔmwa ba Isilaɛli banɛ baiki bataamola baiyolo ba baeta atei nkɛɛ bolemo o lulu la Kanamombe. Ɔsɔmɛ Isabu 3. 1-13. ɔmɔɔ lande aiye ango. Awɛɛni ndako onngo onto, lande aeti boleka bonkinɛ, achwe lande.

33 «Pa kopaseli Musamaliya ɔmɔɔ aiki ɔlɔkɛndɔ. Aiye ndako ango aiki ongo onto, la ndako awɛɛni ongo onto, la awɛɛnɛli ŋandi».

34 Aosukameli, awiingi ingo mpota yande la mbowiila difai la bauta la mbwiilɛma. Awuulisa aliko la mpunda ende, la aɔtɔli e lulu laaŋɛni nte aiŋame*10.34 Musamaliya bɔlɔti ɔmbɔlɛma mpota ya ongo aphomami |alt = src = WA03863b. Tif''size = ''span'' copy''Graham Wad''ref'' 10.34''. 35 Lɔi ende, opasisha dinali iphee yaakuti, ɔɔyisa ongo ɔmɛlɛ lulu laaŋɛni, aosimeli: Inga ɔnɛ onto bɔlɔti, la ango autola lemi, bakuti bapasha wɛɛ ya liko lakondo kɔngɛla o mbutola.

36 Ango Yesu aumboli ongo weekisi a Isaliya* nte: «Asamba banɛ basato, nani ɔmwɛnamwa njala amamana la ɔnɛ akwɛɛ waakasa baakumoli»? 37 Ongo weekisi a Isalia* auchisa Yesu nte: «Ongo awɛɛnɛli ŋandi».

Yesu aosimeli nte: «Chwaka, labɛ oyale atakɛɛ ŋango».