Bomponjo alimeli la mɛnamwa
11 Yesu ɔlɔndi lonkinɛ nte: Kaiki bonto ɔmɔɔ aiki la bana bande baphee baampame. 12 Ongo ampɔu asimeli isɛnde nte: Phapha, ompaa yami eteni ya ntikɔ weesanga bɛɛ. Isɛnde aaphakeli bako lalikuli baphee besanga bende.
13 Ɔkɔngɔ la biina inchɛ, ongo ampɔu asɔmbisa engo ntikɔ ende lalikuli, la achwe la falanga yande o wooni ba bɔɔ. Aiye ndako engo, asili besanga bende e mboka mbe.
20 «Laango, ongo bomponjo aanjisa lɔkɛndɔ la mbutola ele isɛnde. Aiki ndako oloko bɔɔ ichɛɛ la lulu, isɛnde awɛɛni la mbowɛɛnɛla ŋandi ike. Achwe loango nchwa mbɔwɛɛbɛya la mbɔ wɔɔmba bakango. 22 Kinaki isɛnde asimeli bakambi bande nte: ‹Loango! Ela nyo bisenda bilɔti ɔɔlɔchɛ nyo beko. Lɔcha nyo ndako lonkinɛ lɔpɛtɛ o lophita, la tomposo weekolo. 24 Aliko ɔnɛ bɔna ami, wiiki nde pa mbwa, kinaki ombotondwa. Wiiki nde ombosila nimela, kinaki anɛ ɔmwɛnamwa lonkinɛ.› Baanjisa libɛla.