Lucas 19

Yesu la Sakayo

1 Eleko Yesu aiye ndako ɔɔsɛngɛ ba Yeliko, aiki atalange mbeta. 2 Woongo ɔsɛngɛ kaiki la bonto ɔmɔɔ aelelamaki Sakayo. Ɔnɛ Sakayo aiki waiyolo baangɛjisi ba kɔdi, lonkinɛ aiki boso nombo. 3 Aonaki mɛna Yesu iya ole nani. Kinaki aliko wiiki wuumbe, koo mbɔsɔna mbɔwɛɛna aliko la wiike baanto. 4 Aliko laingo, atangoli loango, auleli eliko ja bote nte aɛni Yesu, aliko ango kasani Yesu mbetela. 5 Laango Yesu aiye ndako ango kaama, alendi eliko la mboosimela Sakayo nte: «Sakayo, kitela loango, aliko lɛlɔ landalange ndala e lulu labɛ*19.5 Sakayo ombuulela eliko nte aɛni Yesu |alt "Zachee est monté sur l’arbre pour qu’il voie Jesus"src = "WA03891b. Tifsize = "span"copy = "Graham Wade'' ref = "19.5''».

6 Sakayo akiteli loango, la aɛbɛisa Yesu la libɛla linɛnɛ. 7 Banto banɛ baɛni ŋango, baanjisa baniŋina la nɔndante: «Habaaa! Ombochwa ndala ele bonto oso njambi».

8 Kinaki, Sakayo aɛmali otamboka ba Yesu la mboosimela nte: «Hɛɛ Bɔkɔta oka! Lemi lakondo ɔya beola eteni beesanga bemi. La iya langɛjisa bonto besanga ike mbeta, lakondo wuucheya mala inɛi». 9 Yesu ɔlɔndi nte: «Lɛlɔ nkakolama imbwiiya ɔ lɔnɛ lulu, o ŋaanɛ ɔnɛ ŋango akɔ olende a jooti ja Ibulaimu». 10 Aliko lemi Bɔna a Onto laandi mona la nkakola banɛ balimeli.