5 Munthanlheke mwaakhondoro ama ipuri. Ni uyo akhalheke n’dume ni o iyaakha imoka, hikhalhe oremara vakittu variyoothe. 6 Munshungeke rata yoyo mwannama uyo mpaka nihuku no khumi ni ncheshe no ulha mweeri ulha. Nenno nihuku nno, nlhoko wonkhaye wo Aisraeli aahitheke ashinama ayo uchechilho. 7 Yamalhaka, attu akusheke iphome ya ashinama ayo ni uhikahika miimo ni vachulhu mikhora chonkhaye cho kila inupa chinohalha aya ukhurelhiya yayo ashinama ayo.