Malheheriyo o uthekiya Nihema nitakatifu
1 "Wo uthepa vavawo, nthekeke Nihema nitakatifu wo mapaziya khumi o ikuwo yooteelha yoorera, ni wo nttoche no mapururu o ikhondoro no irangi yo kibuluu, yo zambarau ni yo khwiilha. Vachulhu mapaziya ayo mfumeke ipicha cho makerubi.
7 "Tho, nkoorosheke yakerio khumi ni nimoka o mapururu o ipuri cho ukhunelha nihema nno.
14 "Tho, nkoorosheke mafuniko meelhi o Nihema nno. Nimoka no nrapalha no ikhondoro ilhopwana nihikiye irangi yo khwiilha, nikina no nrapalha nowoolhwa no ipuri.
15 "Nkoorosheke ifuremu cho imbau cho n’johoro cho weemesheriya Nihema nno.
31 "Nkoorosheke nipaziya nikina no ikuwo yorera yooteelha. Nifumiyeke wo urata ipicha cha amakerubi vachulhu, wo irangi yo kibuluu, yo zambarau ni yo khwiilha. 33 Mwamalhihaka uthomia nipaziya, mmwiiheke Nisanduku no Malhehano ninari ni ivibau piilhi cho malhuku nhina, utulhi wo nipaziya uwo. Nipaziya nno nimianiheke Vakittu Vatakatifu ni Vakittu Vatakatifu Chinene.