9 "Nthekeke ntenje vanihemani vawo. Mpata wo utulhi ukhalheke wo nipaziya no ikuwo yooteelha ittaviye rata, mpata mmoka wo ntenje nno urekameke miono imia imoka. 10 Mapaziya ayo avarelhelhiyeke ni mikurio makhumi meelhi o ishaaba, ni ikhalhelho chaya makhumi meelhi chiicho cho ishaaba. Nansho ivibaniyo cho uvarelhelha nipaziya ni mapoopola o uchulhu unottukelhelhiya mapaziya alhalheke o isiliva. 11 Ikhalheke chiichammo wo mpata wo uchulhu wo ntenje nno. 12 Mpata uneelhelha nchuwa ntenje nno, ukhalheke wo nipaziya no urekama miono makhumi nthanu, mikurio khumi ni ikhalhelho khumi. 13 Mpata unosha nchuwa, uri nlhako uwo, ukhanuweke miono makhumi nthanu. 14 Nipaziya no mpata mmoka wo vanlhakoni nikhalheke miono khumi ni nthanu, mikurio chinaakhalheke miraru ni ikhalhelho ttaru. 15 Mpata wo nayelhi ukhalheke chiicho, nipaziya no miono khumi ni nthanu, mikurio chinaakhalheke miraru ni ikhalhelho ttaru. 16 Nlhako wo ntenje uyo ukhalheke ni nipaziya no miono makhumi meelhi, no ikuwo yooteelha yorera, ittaviye ni ntu o rata wo uthakanihiya irangi yo kibuluu, zambarau ni yo khwiilha. Ninno nivarelhelhiyeke ni mikurio micheshe ni ikhalhelho chinaakhalheke ncheshe chiicho. 17 Mikurio chonkhaye cho urukureria ntenje nno mipata chonkhaye chilhutaanihiyeke ni mapoopola o isiliva, ivibaniyo cho uvarelhelha nipaziya chaya chinaakhalheke cho isiliva nansho ikhalhelho chaya chinaakhalheke cho ishaaba. 18 Ntenje nno nitalhiveke miono imia imoka, nikhanuweke miono makhumi nthanu uno ni uno, ni nchusha nikhalheke miono nthanu. Mapaziya aya akhalheke o ikuwo yooteelha yorera, ni ikhalhelho chaya chinaakhalheke cho ishaaba.
Publicidade